ಬೆಂಗಳೂರು : ದಿನನಿತ್ಯದ ಕೆಲಸದ ಒತ್ತಡದಿಂದ ಮೈಕೈನೋವು ಬರುತ್ತದೆ. ಅದಕ್ಕಾಗಿ ಕೆಲವರು ನೋವು ನಿವಾರಕ ಮಾತ್ರಗಳನ್ನು ಬಳಸುತ್ತಾರೆ. ಇದರಿಂದ ಅಡ್ಡಪರಿಣಾಮಗಳುಂಟಾಗುವ ಸಂಭವವಿರುತ್ತದೆ. ಆದ್ದರಿಂದ ಮೈಕೈನೋವು ನಿವಾರಣೆಗೆ ಈ ಮನೆಮದ್ದನ್ನು ಬಳಸಿ.
*ಟಾರ್ಟ್ ಚರ್ರಿ ಹಣ್ಣುಗಳಲ್ಲಿ ಆಂಥೋಸಯಾನಿನ್ಸ್ ಎಂಬ ಉತ್ಕರ್ಷಣ ನಿರೋಧಕ ಸಂಯುಕ್ತಗಳನ್ನು ಹೊಂದಿರುತ್ತದೆ. ಇದನ್ನು ತಿನ್ನುವುದರಿಂದ ಮೈಕೈ ನೋವು ಕಡಿಮೆಯಾಗುತ್ತದೆ.
*ಅರಶಿನಕ್ಕೆ ಹಳದಿ ಬಣ್ಣ ನೀಡುವಂತಹ ಕರ್ಕ್ಯುಮಿನ್ ಇದು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಕೀಲು ಮತ್ತು ಸ್ನಾಯು ನೋವು ನಿವಾರಿಸಲು ಸಹಕಾರಿಯಾಗಿದೆ. ಈ ಅರಶಿನವನ್ನು ಹಾಲಿಗೆ ಬೇರೆಸಿ ಕುಡಿಯಿರಿ ಅಥವಾ ಅರಶಿನ ಚಹಾ ಮಾಡಿ ಕುಡಿಯಿರಿ.
*ಶುಂಠಿಯು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ. ಇದು ಸಂಧಿವಾತ, ಹೊಟ್ಟೆ ನೋವು, ಎದೆ ನೋವು, ಸ್ನಾಯುಗಳ ನೋವನ್ನು ನಿವಾರಿಸಲು ಸಹಾಯ ಮಾಡುತ್ತದೆ. ಇದನ್ನು ಸೇವಿಸುವುದರ ಜೊತೆಗೆ ನೋವಿರುವ ಸ್ಥಳದಲ್ಲಿ ಹಚ್ಚಿದರೆ ನೋವು ನಿವಾರಣೆಯಾಗುತ್ತದೆ.