ಬೆಂಗಳೂರು : ತಲೆಯಲ್ಲಿ ಹೇನುಗಳಿದ್ದರೆ ತುಂಬಾ ಕಿರಿಕಿರಿ, ಮುಜುಗರವಾಗುತ್ತದೆ. ಅಷ್ಟೇ ಅಲ್ಲದೇ ಈ ಹೇನುಗಳು ಕಚ್ಚಿ ತಲೆಯಲ್ಲಿ ಗಾಯಗಳು ಕೂಡ ಆಗುತ್ತದೆ. ಇವುಗಳನ್ನು ಹೋಗಲಾಡಿಸಲು ಅನೇಕ ವಿಧದ ಶಾಂಪುಗಳನ್ನು , ಔಷಧಿಗಳನ್ನು ಕಂಡುಹಿಡಿಯಲಾಗಿದೆ. ಅದೇರೀತಿ ಇದೀಗ ಹೇನುಗಳನ್ನು ಸಾಯಿಸಲು ವಿಶೇಷವಾದ ಬಾಚಣಿಗೆಯನ್ನು ಕಂಡುಹಿಡಿಯಲಾಗಿದೆ.
ಹೌದು. ಹೇನುಗಳ ಜೊತೆಗೆ ಅವುಗಳ ಮೊಟ್ಟೆಗಳನ್ನು ಸಾಯಿಸಲು ಜರ್ಮನಿಯ ಫ್ರಾನ್ ಹೂಪರ್ ಒಂದು ವಿಶೇಷವಾದ ಬಾಚಣಿಗೆಯನ್ನು ತಯಾರಿಸಿದ್ದಾರೆ. ಈ ಬಾಚಣಿಗೆಯ ಹಲ್ಲುಗಳು ಎಲೆಕ್ಟ್ರೋಡ್ ಗಳಂತೆ ಕೆಲಸ ಮಾಡುತ್ತಾ ತಲೆಯ ಮೇಲೆ ಬಿಸಿಗಾಳಿಯನ್ನು ಬಿಡುತ್ತದೆ. ಇದಕ್ಕೆ ಪ್ಲಾಸ್ಮಾ ಎಂದು ಕರೆಯುತ್ತಾರೆ. ಇದು ಹೇನುಗಳು ಹಾಗೂ ಸೀರುಗಳನ್ನು ನಾಶಮಾಡುತ್ತದೆ.
ಈ ಪ್ಲಾಸ್ಮಾ ಶಾಖ ನಮ್ಮ ರೂಮ್ ಟೆಂಪರೇಚರ್ ಗಿಂತ ಕಡಿಮೆ ಇರುತ್ತದೆ. ಇದರಿಂದಾಗಿ ತಲೆ ಕೂದಲಿಗೆ ಯಾವುದೇ ರೀತಿಯ ಹಾನಿ ಉಂಟಾಗುವುದಿಲ್ಲ ಈಗಾಗಲೇ ಫ್ರಾನ್ಸ್, ಜರ್ಮನಿ ದೇಶಗಳಲ್ಲಿ ಇದನ್ನು ಬಳಸುತ್ತಿದ್ದು, ಶೀಘ್ರದಲ್ಲಿ ಭಾರತದ ಮಾರ್ಕೆಟ್ ಗೂ ಬರಬಹುದು ಎನ್ನಲಾಗಿದೆ.