ಬೆಂಗಳೂರು: ಒಂದು ವಯಸ್ಸು ದಾಟಿದ ಮೇಲೆ ಮನುಷ್ಯನಿಗೆ ವಯೋ ಸಹಜ ಖಾಯಿಲೆಗಳು ಬರುವುದು ಸಹಜ. ಅದರಲ್ಲಿ ಸಕ್ಕರೆ ಖಾಯಿಲೆಯೂ ಒಂದು. ಒಬ್ಬ ವ್ಯಕ್ತಿಗೆ ಸಕ್ಕರೆ ಖಾಯಿಲೆ ಇದೆಯೇ ಎಂದು ಪರೀಕ್ಷಿಸುವುದು ಹೇಗೆ? ಇಲ್ಲಿದೆ ಒಂದು ಸುಲಭ ಉಪಾಯ.
ಅಧಿಕ ಮೂತ್ರ ಮತ್ತು ಬಾಯಾರಿಕೆ: ಆಗಾಗ ಮೂತ್ರಿಸಬೇಕೆಂದೆನಿಸುವುದು ಮತ್ತು ವಿಪರೀತ ಬಾಯಾರಿಕೆ ಇದರ ಪ್ರಧಾನ ಲಕ್ಷಣಗಳಲ್ಲೊಂದು.
ತೂಕ ಕಳೆದುಕೊಳ್ಳುವುದು: ಇದ್ದಕ್ಕಿದ್ದಂತೆ ತೂಕ ಕಳೆದುಕೊಂಡು ವಿಪರೀತ ತೆಳ್ಳಗಾಗುವುದು. ರಕ್ತದಲ್ಲಿ ಸೇರುವ ಅಧಿಕ ಸಕ್ಕರೆ ಅಂಶ ತೂಕ ಕಳೆದುಕೊಳ್ಳುವಂತೆ ಮಾಡುವುದು.
ಹಸಿವು: ಶರೀರದಲ್ಲಿ ಸಕ್ಕರೆ ಅಂಶ ಹೆಚ್ಚು ಕಮ್ಮಿ ಆಗುವುದರಿಂದ ವಿಪರೀತ ಹಸಿವಾದ ಅನುಭವವಾಗುತ್ತದೆ.
ಚರ್ಮದ ಸಮಸ್ಯೆ: ಒಣಗಿದ ಚರ್ಮ ಅಥವಾ ತುರಿಕೆ ಇದ್ದರೆ, ಅದು ಮಧುಮೇಹದ ಲಕ್ಷಣವೇ.
ಗಾಯಗಳು: ಶರೀರದ ಯಾವುದೇ ಭಾಗದಲ್ಲಾದರೂ, ಸಣ್ಣ ಗಾಯವಾದರೂ, ಬೇಗನೇ ಗುಣವಾಗದೇ ವಾರಗಟ್ಟಲೆ ಕೀವು ತುಂಬಿದಂತಿರುವುದು.
ಸುಸ್ತು: ಮಧುಮೇಹ ಅಂಟಿಕೊಂಡರೆ ಬೇಗನೇ ಸುಸ್ತಾಗುತ್ತೀರಿ. ಅಲ್ಲದೆ ಬೇಗನೇ ಸಿಟ್ಟಿಗೇಳುತ್ತೀರಿ.
ಮಂದ ದೃಷ್ಟಿ: ಕಣ್ಣಿನ ಭಾಗದಲ್ಲಿ ಸಕ್ಕರೆ ಅಂಶ ಸೇರಿಕೊಳ್ಳುವುದರಿಂದ ಆರಂಭದ ಹಂತದಲ್ಲಿ ಮಂದ ದೃಷ್ಟಿ ಸಮಸ್ಯೆ ಕಾಡಬಹುದು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
