ಬೆಂಗಳೂರು : ಕೆಲವರಿಗೆ ರಾತ್ರಿಯ ವೇಳೆ ಮಲಗುವಾಗ ಕಾಲು ಸೆಳೆತ ಉಂಟಾಗುತ್ತದೆ. ಇದರಿಂದ ಸರಿಯಾಗಿ ನಿದ್ರೆ ಮಾಡಲು ಆಗುವುದಿಲ್ಲ.ಈ ಕಾಲು ಸೆಳೆತ ಉಂಟಾಗಲು ಕಾರಣವೇನೆಂಬುದು ಇಲ್ಲಿದೆ ನೋಡಿ.
*ಅಲ್ಬರ್ಟಾವಿಶ್ವವಿದ್ಯಾಲದಲ್ಲಿರುವ ಕುಟುಂಬ ವಿಭಾಗದ ಮುಖ್ಯಸ್ಥರಾದ ಪ್ರೊಫೆಸರ್ ಡಾ. ಸ್ಕಾಟ್ ಗ್ಯಾರಿಸನ್ ರವರ ಪ್ರಕಾರ ಈ ಕಾಲು ಸೆಳೆತ ಚಳಿಗಾಲ ಮತ್ತು ಬೇಸಿಗೆಯಲ್ಲಿ ಸಾಮಾನ್ಯವಾಗಿ ಆಗಮಿಸುತ್ತವೆ. ಬೇಸಿಗೆಯ ಸಮಯದಲ್ಲಿ ಸೂರ್ಯನ ರಶ್ಮಿ ಪ್ರಖರವಾಗಿದ್ದು ವಿಟಮಿನ್ ಡಿ ಉತ್ಪಾದನೆಯೂ ಹೆಚ್ಚುವ ಕಾರಣ ಇವು ಗರಿಷ್ಟ ಮಟ್ಟಕ್ಕೇರುತ್ತವೆ ಹಾಗೂ ಈ ಹೆಚ್ಚುವರಿ ಪ್ರಮಾಣವನ್ನು ಗರಿಷ್ಟವಾಗಿ ಬಳಸಿಕೊಳ್ಳಲು ಹಾಗೂ ನೈಸರ್ಗಿಕವಾಗಿ ರಿಪೇರಿ ಮಾಡಿಕೊಳ್ಳುವ ಕಾರ್ಯ ತೀವ್ರಗತಿಯಲ್ಲಿ ಮುಂದುವರೆಯುವುದೇ ಈ ಸೆಡೆತಗಳಿಗೆ ಕಾರಣ ಎಂದಿದ್ದಾರೆ.
* ಕಾಲು ಸೆಳೆತಕ್ಕೆ ನಿರ್ಜಲೀಕರಣವೂ ಒಂದು ಕಾರಣ. ಸರಿಯಾಗಿ ನೀರು ಕುಡಿಯದಿದ್ದರೆ ರಕ್ತದಲ್ಲಿ ಎಲೆಕ್ಟ್ರೋಲೈಟುಗಳ ಸಮತೋಲನ ಏರುಪೇರಾಗುತ್ತದೆ. ಇದು ಕಾಲು ಸೆಳೆತಕ್ಕೆ ಕಾರಣವಾಗಬಹುದು.
* ನಿಮ್ಮ ದೇಹದಲ್ಲಿ ಸಾಕಷ್ಟು ಕ್ಯಾಲ್ಸಿಯಂ, ಮೆಗ್ನೀಶಿಯಂ ಮತ್ತು ಪೊಟ್ಯಾಶಿಯಂ ಕೊರತೆ ಉಂಟಾದಾಗ ಈ ಕಾಲು ಸೆಳೆತ ಕಾಣಿಸಿಕೊಳ್ಳುತ್ತದೆ.
*ಅತಿಯಾಗಿ ವ್ಯಾಯಾಮ ಮಾಡುವುದರಿಂದ ಕಾಲುಗಳ ಸ್ನಾಯುಗಳನ್ನು ಅತಿಯಾಗಿ ದಂಡಿಸುವುದರಿಂದಲೂ ಸೆಡೆತ ಎದುರಾಗಬಹುದು.
*ಬೆಳಿಗ್ಗೆ ತುಂಬಾ ಹೊತ್ತು ನಿಂತುಕೊಂಡೇ ಕೆಲಸ ಮಾಡಿದರೆ ನೀರು ದೇಹದ ಕೆಳಭಾಗದಲ್ಲಿ ಹೆಚ್ಚು ಸಂಗ್ರಹವಾಗುತ್ತದೆ. ಇದರಿಂದ ರಾತ್ರಿ ಕಾಲು ಸೆಳೆತ ಉಂಟಾಗತ್ತದೆ.
