ಬೆಂಗಳೂರು: ಸಾಮಾನ್ಯವಾಗಿ ನಾವು ಸೇವಿಸುವುದು ದನದ ಹಾಲೇ ಆದರೂ ಕೆಲವರು ಎಮ್ಮೆ ಹಾಲು ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದು ಎಂದು ಹೇಳುತ್ತಾರೆ. ಹಾಗಿದ್ದರೆ ಯಾವ ಹಾಲು ನಮಗೆ ಒಳ್ಳೆಯದು?
· ದನದ ಹಾಲಿನಲ್ಲಿ ಎಮ್ಮೆ ಹಾಲಿಗೆ ಹೋಲಿಸಿದರೆ ಕೊಬ್ಬಿನಂಶ ಕಡಿಮೆ. ಹೀಗಾಗಿ ದನದ ಹಾಲು ಬೇಗನೇ ಜೀರ್ಣವಾಗಬಲ್ಲದು.
· ದನದ ಹಾಲಿಗಿಂತ ಹೆಚ್ಚು ಎಮ್ಮೆ ಹಾಲಿನಲ್ಲಿ ಕೆನೆ ಬರುವುದು. ಹಾಗಾಗಿ ಮೊಸರು, ಪನೀರ್, ಕುಲ್ಫೀ ಹಾಗೂ ತುಪ್ಪ ಮಾಡಲು ಎಮ್ಮೆ ಹಾಲನ್ನು ಬಳಸುತ್ತಾರೆ.
· ದನದ ಹಾಲನ್ನು 1 ದಿನದೊಳಗೆ ಉಪಯೋಗಿಸಬೇಕು. ಆದರೆ ಎಮ್ಮೆ ಹಾಲನ್ನು ಎರಡು, ಮೂರು ದಿನ ಶೇಖರಿಸಿಡಬಹುದು. ಬೇಗನೇ ಹಾಳಾಗುವುದಿಲ್ಲ.
· ಎಮ್ಮೆ ಹಾಲಿನಲ್ಲಿ ಪೋಷಕಾಂಶಗಳು ಜಾಸ್ತಿ. ಹಾಗಾಗಿ ಇದು ಬೇಗನೇ ಜೀರ್ಣವಾಗುವುದಿಲ್ಲ.
· ಎಮ್ಮೆ ಹಾಲಿನಲ್ಲಿ ಕ್ಯಾಲ್ಶಿಯಂ ಅಂಶ ಜಾಸ್ತಿ. ದನದ ಹಾಲಿನಲ್ಲಿರುವ ಪೋಷಕಾಂಶಗಳಿಗೆ ಹೋಲಿಸಿದರೆ ಎಮ್ಮೆ ಹಾಲಿನಲ್ಲಿ ಕೊಬ್ಬಿನಂಶ ಜಾಸ್ತಿ.
