ಲಂಡನ್: ಯುವರಾಜ್ ಸಿಂಗ್ ಗೆ ಇಂದು ವಿಶೇಷ ದಿನ. ಇಂದು ಅವರು ತಮ್ಮ 300 ನೇ ಏಕದಿನ ಪಂದ್ಯವಾಡುತ್ತಿದ್ದಾರೆ. ಇಂತಿಪ್ಪ ಯುವಿಗೆ ಒಂದು ಸೂಪರ್ ಪವರ್ ಇದೆಯಂತೆ.
ಹಾಗಂತ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಬಹಿರಂಗಪಡಿಸಿದ್ದಾರೆ. ಇದಕ್ಕೆ ಪೂರಕವೆನ್ನುವಂತಹ ವಿಡಿಯೋ ಬಿಡುಗಡೆ ಮಾಡಿರುವ ಕೊಹ್ಲಿ ಯುವಿ ಕೈ ಸನ್ನೆ ಮಾಡಿದರೆ ಬಾಗಿಲು ತೆರೆಯುವುದು, ಮತ್ತೆ ಕೈ ಸನ್ನೆಯಿಂದಲೇ ಬಾಗಿಲು ಮುಚ್ಚುವುದನ್ನು ಸಾಕ್ಷಿ ಸಮೇತ ತೋರಿಸಿದ್ದಾರೆ.
ಯುವಿ ಒಬ್ಬ ಸ್ಪೆಷಲ್ ಆಟಗಾರ ಎಂದು ಕೊಂಡಾಡಿರುವ ಕೊಹ್ಲಿ 300 ನೇ ಏಕದಿನ ಪಂದ್ಯವಾಡುತ್ತಿರುವುದಕ್ಕೆ ಶುಭಾಶಯ ಕೋರಿದ್ದಾರೆ. ಅದೇನೇ ಇರಲಿ, ಈ ಸೂಪರ್ ಪವರ್ ಭಾರತ ತಂಡವನ್ನು ಚಾಂಪಿಯನ್ಸ್ ಟ್ರೋಫಿ ಪಂದ್ಯ ಗೆಲ್ಲಿಸವುದಕ್ಕೂ ನೆರವಿಗೆ ಬರಲಿ ಎಂದು ಅಭಿಮಾನಿಗಳು ಆಶಿಸುತ್ತಿದ್ದಾರೆ.
