ರಾಂಚಿ: ರಾಂಚಿ ರಾಂಬೋ ಧೋನಿಗೆ ಈಗ ಕ್ರಿಕೆಟ್ ನಿಂದ ಬಿಡುವು. ಸದ್ಯಕ್ಕೆ ಈ ರಜಾ ಮಜಾ ಪಡೆಯಲು ಧೋನಿಗೆ ತಕ್ಕ ಕಾರಣ ಸಿಕ್ಕಿದೆ. ಅದಕ್ಕಾಗಿ ಮುಸ್ಸೋರಿಗೆ ಕುಟುಂಬ ಸಮೇತ ಪ್ರವಾಸ ಹೋಗಿದ್ದಾರೆ. ಅಂತಹ ಕಾರಣ ಏನು?
ಬೇರೇನೂ ಅಲ್ಲ, ಧೋನಿ ಮುದ್ದಿನ ಮಗಳು ಜೀವಾಗೆ ಇಂದು ಹುಟ್ಟಿದ ಹಬ್ಬದ ಸಡಗರ. ಜೀವಾ ಹುಟ್ಟಿದಾಗ ವಿಶ್ವಕಪ್ ಆಡಲು ಆಸ್ಟ್ರೇಲಿಯಾಗೆ ತೆರಳಿದ್ದ ಧೋನಿ ಮಗಳನ್ನು ನೋಡಲು ಬಂದಿರಲಿಲ್ಲ. ಆದರೆ ಈಗ ಜೀವಾಗೆ ಎರಡು ವರ್ಷವಾಗಿದೆ. ಈ ಸಂತೋಷದ ದಿನವನ್ನು ಸಂತೋಷವಾಗಿ ಕಳೆಯಲು ಧೋನಿ ತಮ್ಮ ಪತ್ನಿ, ಮಗಳ ಜತೆ ಇಷ್ಟದ ತಾಣಕ್ಕೆ ಭೇಟಿ ನೀಡಿದ್ದಾರೆ.
ಧೋನಿ ಮತ್ತು ಪತ್ನಿ ಸಾಕ್ಷಿ ಮದುವೆಗೆ ಮೊದಲು ಮುಸ್ಸೋರಿಗೆ ಬಂದು ಕಾಲ ಕಳೆದಿದ್ದರಂತೆ. ಇದೀಗ ಜೀವಾ ಜನುಮ ದಿನಕ್ಕಾಗಿ ಬಂದಿದ್ದಾರೆ. ಧೋನಿ ಬಂದಿರುವ ಸುದ್ದಿ ಕೇಳಿದೊಡನೆ ಸ್ಥಳೀಯರು ಅವರು ಉಳಿದುಕೊಂಡಿರುವ ರೆಸಾರ್ಟ್ ಬಳಿ ಗುಂಪು ಸೇರಿದ್ದಾರೆ. ಧೋನಿಯೂ ಅಭಿಮಾನಿಗಳಿಗೆ ನಿರಾಸೆ ಮಾಡದೆ ಕಾರಿನಲ್ಲಿ ಹೊರ ಬಂದು ನೆರೆದಿದ್ದ ಜನರತ್ತ ಕೈ ಬೀಸಿ ಹೊರಟಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
