ದ.ಆಫ್ರಿಕಾ ಕ್ರಿಕೆಟಿಗರಿಗೆ ವಿರಾಟ್ ಕೊಹ್ಲಿ ಕೊಟ್ಟ ವಾರ್ನಿಂಗ್!

ಪೋರ್ಟ್ ಎಲಿಜಬೆತ್: ಏಕದಿನ ಸರಣಿ ಗೆದ್ದ ಖುಷಿಯಲ್ಲಿರುವ ಟೀಂ ಇಂಡಿಯಾ ನಾಯಕ ಗೆಲುವಿನಿಂದ ಮೈ ಮರೆಯದೆ ಎದುರಾಳಿಗಳಿಗೆ ವಾರ್ನಿಂಗ್ ಕೊಟ್ಟಿದ್ದಾರೆ!

ಭಾರತ ಈಗಾಗಲೇ ಸರಣಿಯಲ್ಲಿ 4-1 ಅಂತರದಿಂದ ಮುನ್ನಡೆ ಸಾಧಿಸಿದ್ದು, ಮುಂದಿನ ಏಕೈಕ ಪಂದ್ಯದ ಫಲಿತಾಂಶ ಸರಣಿ ಗೆಲುವಿನ ಮೇಲೆ ಪರಿಣಾಮ ಬೀರದು.

ಹಾಗಾಗಿ ಕೊಹ್ಲಿ ಮುಂದಿನ ಪಂದ್ಯವನ್ನು ಔಪಚಾರಿಕವೆಂದು ಪರಿಗಣಿಸಿ ಹಗುರವಾಗಿ ಕಾಣಬಹುದು ಎಂದು ಎದುರಾಳಿಗಳು ಲೆಕ್ಕಾಚಾರ ಹಾಕಿದ್ದರೆ ತಪ್ಪಾಗಬಹುದು. ನಾವು 5-1 ಅಂತರದಿಂದ ಸರಣಿ ಗೆಲ್ಲಲು ಇಷ್ಟಪಡುತ್ತೇವೆ. ಯಾವುದೇ ಕಾರಣಕ್ಕೂ ಮುಂದಿನ ಪಂದ್ಯವನ್ನು ಹಗುರವಾಗಿ ಕಂಡು ಲೆಕ್ಕ ಭರ್ತಿಗೆ ತಂಡ ಕಣಕ್ಕಿಳಿಸುವುದಿಲ್ಲ. ಪ್ರಬಲ ಪೈಪೋಟಿಯೇ ನೀಡುತ್ತೇವೆ ಎಂದು ಕೊಹ್ಲಿ ಎಚ್ಚರಿಕೆ ನೀಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ