ಲಂಡನ್: ವಿರಾಟ್ ಕೊಹ್ಲಿ ಮುಂಗೋಪಿ ಎನ್ನುವುದು ಗೊತ್ತು. ಆದರೆ ಧೋನಿ ಬಗ್ಗೆಅವರಿಗೆ ವಿಶೇಷ ಗೌರವವಿದೆ. ಆದರೆ ನಿನ್ನೆ ನಡೆದ ಪಂದ್ಯದಲ್ಲಿ ಧೋನಿ ವಿರುದ್ಧವೇ ಮೈದಾನದಲ್ಲಿ ತಮ್ಮ ಅಸಮಾಧಾನ ತೋರ್ಪಡಿಸಿದ್ದಾರೆ.
ಹಾಗಂತ ಇದು ವೈಯಕ್ತಿಕ ಸಿಟ್ಟಲ್ಲ ಬಿಡಿ. ಆದರೂ ಒತ್ತಡದಲ್ಲಿದ್ದಾಗಲೆಲ್ಲಾ ತಮ್ಮ ಹೆಗಲಿಗೆ ಹೆಗಲು ಕೊಡುವ ಧೋನಿ ಮೇಲೆ ಕೊಹ್ಲಿ ಸಿಟ್ಟಾಗಿದ್ದು ಯಾಕೆ ಗೊತ್ತಾ? ಧೋನಿ ಅಪರೂಪಕ್ಕೆ ಮಾಡಿದ ಆ ಒಂದು ತಪ್ಪಿನಿಂದಾಗಿ.
ಸಾಮಾನ್ಯವಾಗಿ ವಿಕೆಟ್ ಹಿಂದುಗಡೆ ಧೋನಿ ಮಿಸ್ಟರ್ ಪರ್ಫೆಕ್ಟ್. ಆದರೆ ನಿನ್ನೆ ಅವರು ಫೀಲ್ಡರ್ ಎಸೆದ ಬಾಲ್ ಕ್ಯಾಚ್ ಮಾಡುವಾಗ ಸ್ವಲ್ಪ ಎಡವಟ್ಟು ಮಾಡಿಕೊಂಡರು. ಅವರ ಗ್ಲೌಸ್ ಗೆ ತಗುಲಿದ ಬಾಲ್ ನೇರವಾಗಿ ಸ್ಲಿಪ್ ಕ್ಷೇತ್ರದ ಮುನ್ನಡೆಯಿತು. ಕ್ರಿಕೆಟ್ ನಿಯಮಾವಳಿ ಪ್ರಕಾರ ಈ ರೀತಿ ಕೀಪರ್ ಗ್ಲೌಸ್ ಗೆ ಬಾಲ್ ತಾಗಿದರೆ ವಿಕೆಟ್ ಗೆ ಬೀಳದೆ ಮಿಸ್ ಫೀಲ್ಡ್ ಆದರೆ ಎದುರಾಳಿ ತಂಡಕ್ಕೆ ಐದು ರನ್ ದೊರಕುತ್ತದೆ.
ಹೀಗೇ ಅನ್ಯಾಯವಾಗಿ ಬಾಂಗ್ಲಾ ತಂಡಕ್ಕೆ ಐದು ರನ್ ಸಿಕ್ಕಿದ್ದು ಕೊಹ್ಲಿ ಸಿಟ್ಟಿಗೆ ಕಾರಣವಾಯಿತು. ಎಂದಿನಂತೆ ಧೋನಿ ಮೇಲೆ ಸ್ಥಳದಲ್ಲಿಯೇ ಅಸಮಾಧಾನ ಸೂಚಿಸಿದರು. ಆದರೆ ಧೋನಿ ಕೂಡಾ ತನ್ನಿಂದಾಗಿ ಐದು ರನ್ ಪೋಲಾಯಿತಲ್ಲಾ ಎಂಬ ಬೇಸರದಲ್ಲಿದ್ದರು.
