ಕರಾಚಿ: ಪಾಕಿಸ್ತಾನ ಕ್ರಿಕೆಟಿಗ ಶಾಹಿದ್ ಅಫ್ರಿದಿ ಮತ್ತು ಭಾರತೀಯ ಕ್ರಿಕೆಟಿಗ ಗೌತಮ್ ಗಂಭೀರ್ ನಡುವೆ ಎಂಥಾ ಧ್ವೇಷವಿತ್ತು ಎಂಬುದನ್ನು ಕ್ರಿಕೆಟ್ ಪ್ರಿಯರು ತಿಳಿದಿರುತ್ತಾರೆ. ಈ ಇಬ್ಬರೂ ಕ್ರಿಕೆಟಿಗರು 2007 ರ ಏಷ್ಯಾ ಕಪ್ ನಲ್ಲಿ ಕೈ ಕೈ ಮಿಲಾಯಿಸುವ ಹಂತಕ್ಕೆ ಜಗಳವಾಡಿದ್ದು ಇಂದಿಗೂ ನೆನಪಿನಲ್ಲಿದೆ.
ಇದೀಗ ಶಾಹಿದ್ ಅಫ್ರಿದಿ ತಮ್ಮ ಆತ್ಮಕತೆ ‘ಗೇಮ್ ಚೇಂಜರ್’ ನಲ್ಲಿ ಗಂಭೀರ್ ಬಗ್ಗೆ ಮತ್ತೆ ಅಂದಿನ ಘಟನೆ ಉಲ್ಲೇಖಿಸಿ ವಾಗ್ದಾಳಿ ನಡೆಸಿದ್ದಾರೆ. ಅಲ್ಲದೆ, ಗಂಭೀರ್ ಋಣಾತ್ಮಕ ಚಿಂತನೆಯ ಹುಂಬ ಎಂದು ಟೀಕಿಸಿದ್ದಾರೆ.
‘ಅಂದು ಏಷ್ಯಾ ಕಪ್ ನಲ್ಲಿ ಗಂಭೀರ್ ಸಿಂಗಲ್ ರನ್ ತೆಗೆದು ನನ್ನ ಬಳಿ ಓಡಿ ಬರುತ್ತಿದ್ದಾಗ ಈ ಜಗಳಕ್ಕೆ ನಾನೇ ಮಂಗಳ ಹಾಡಬೇಕು ಎಂದುಕೊಂಡಿದ್ದೆ. ನಮ್ಮಿಬ್ಬರ ನಡುವೆ ಜಗಳ ಯಾವ ಮಟ್ಟಿಗೆ ತಲುಪಿತ್ತು ಎಂದರೆ ಇಬ್ಬರೂ ತಮ್ಮ ತಮ್ಮ ಮನೆಯ ಹೆಣ್ಣುಮಕ್ಕಳ ಹೆಸರೆತ್ತಿ ಹೀಯಾಳಿಸಿದ್ದೆವು. ನನಗೆ ಇಂತಹ ಆಕ್ರಮಣಕಾರಿ ಸ್ವಭಾವದವರೆಂದರೆ ಇಷ್ಟ. ಆದರೆ ಗಂಭೀರ್ ಆಕ್ರಮಣಕಾರಿ ಅಲ್ಲದೆ, ಋಣಾತ್ಮಕ ವ್ಯಕ್ತಿತ್ವದವರು. ಇಂತಹವರನ್ನು ನನಗೆ ಇಷ್ಟವಾಗಲ್ಲ’ ಎಂದು ಅಫ್ರಿದಿ ಟೀಕಾಪ್ರಹಾರ ನಡೆಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
