ದ್ರಾವಿಡ್ ಮಾಡಿದ್ದ ತಮಾಷೆ ನೆನೆಸಿಕೊಂಡ ದೀಪಕ್ ಚಹರ್

ದುಬೈ: ಶ್ರೀಲಂಕಾ ಪ್ರವಾಸದಲ್ಲಿ ಟೀಂ ಇಂಡಿಯಾ ಕೋಚ್ ಆಗಿದ್ದ ವಾಲ್ ರಾಹುಲ್ ದ್ರಾವಿಡ್ ತಮ್ಮ ಜೊತೆಗೆ ಮಾಡಿದ ತಮಾಷೆಯ ಪ್ರಸಂಗವೊಂದನ್ನು ಕ್ರಿಕೆಟಿಗ ದೀಪಕ್ ಚಹರ್ ನೆನೆಸಿಕೊಂಡಿದ್ದಾರೆ.

ಶ್ರೀಲಂಕಾ ಸರಣಿಯಲ್ಲಿ ಎರಡನೇ ಪಂದ್ಯದ ಗೆಲುವಿನ ರೂವಾರಿಯಾಗಿದ್ದ ದೀಪಕ್ ಚಹರ್ ಆ ಸರಣಿಯಲ್ಲಿ ದ್ರಾವಿಡ್ ತಮ್ಮನ್ನು ಕಿಚಾಯಿಸಿದ ಬಗ್ಗೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

‘ಶ್ರೀಲಂಕಾ ತಲುಪಿದಾಗ ರಾಹುಲ್ ಸರ್ ಮೊದಲು ನನ್ನ ಬಳಿ ಕೇಳಿದ್ದು, ನಿನ್ನ ವಯಸ್ಸು ಎಷ್ಟು ಎಂದು. ನಾನು 28 ಕಳೆದು 29 ಕ್ಕೆ ಕಾಲಿಡುತ್ತಿದ್ದೇನೆ ಎಂದೆ. ಆಗ ಸರ್ ‘ಇದು ನಿನ್ನ ನಿಜವಾದ ವಯಸ್ಸೋ, ಕ್ರಿಕೆಟ್ ವಯಸ್ಸೋ’ ಎಂದು ತಮಾಷೆ ಮಾಡಿದ್ದರು. ಆಗ ನಾನು ಇಲ್ಲ ನನ್ನ ತಂದೆ ವಾಯುಸೇನೆಯಲ್ಲಿದ್ದರು, ಹೀಗಾಗಿ ನಾನು ಸುಳ್ಳು  ಹೇಳುವ ಪ್ರಶ್ನೆಯೇ ಇಲ್ಲ ಎಂದಿದ್ದೆ’ ಎಂದು ಚಹರ್ ಸ್ಮರಿಸಿಕೊಂಡಿದ್ದಾರೆ.