ಮುಂಬೈ: ಆಸ್ಟ್ರೇಲಿಯಾ ಕ್ರಿಕೆಟಿಗರು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸೇರಿದಂತೆ ಭಾರತದ ಪ್ರಮುಖ ಕ್ರಿಕೆಟಿಗರನ್ನು ಸ್ಲೆಡ್ಜಿಂಗ್ ಮಾಡಲು ತುಂಬಾ ಹೆದರುತ್ತಿದ್ದರಂತೆ. ಅದಕ್ಕೆ ಕಾರಣವೇನೆಂದು ಆಸೀಸ್ ಮಾಜಿ ಕ್ರಿಕೆಟಿಗ ಮೈಕಲ್ ಕ್ಲಾರ್ಕ್ ಬಹಿರಂಗಪಡಿಸಿದ್ದಾರೆ.
ಇದಕ್ಕೆ ಕಾರಣ ಐಪಿಎಲ್ ಅಂತೆ. ಕೊಹ್ಲಿಯಂತಹ ಪ್ರಭಾವಿ ಆಟಗಾರನನ್ನು ಕೆಣಕಿದರೆ ಶ್ರೀಮಂತ ಕ್ರೀಡಾಕೂಟ ಐಪಿಎಲ್ ನಲ್ಲಿ ತಮ್ಮನ್ನು ಯಾವುದೇ ತಂಡವೂ ಖರೀದಿ ಮಾಡಲ್ಲ ಎಂದು ಕ್ರಿಕೆಟಿಗರು ಹೆದರುತ್ತಿದ್ದರಂತೆ.
ಭಾರತ ಕ್ರಿಕೆಟ್ ನಲ್ಲಿ ಎಷ್ಟು ಶ್ರೀಮಂತ ರಾಷ್ಟ್ರ ಎನ್ನುವುದು ಎಲ್ಲರಿಗೂ ಗೊತ್ತಿದೆ. ಏಪ್ರಿಲ್ ನಲ್ಲಿ ಕೊಹ್ಲಿ, ಇತರ ಪ್ರಭಾವಿ ಆಟಗಾರರ ನಾಯಕತ್ವದಲ್ಲಿ ಐಪಿಎಲ್ ಆಡಬೇಕಿರುವುದರಿಂದ ಆಸೀಸ್ ಆಟಗಾರರು ಭಾರತೀಯರ ತಂಟೆಗೆ ಹೋಗಲ್ಲ ಎಂದಿದ್ದಾರೆ ಕ್ಲಾರ್ಕ್.
