ದಾಖಲೆಯೊಂದಿಗೆ ನಿವೃತ್ತರಾದ ಆಶಿಷ್ ನೆಹ್ರಾ

ನವದೆಹಲಿ: ಸಚಿನ್ ತೆಂಡುಲ್ಕರ್ ಬಿಟ್ಟರೆ ಇಷ್ಟು ಸುದೀರ್ಘ ಅವಧಿಗೆ ಭಾರತೀಯ ಕ್ರಿಕೆಟ್ ನಲ್ಲಿ ನಿವೃತ್ತರಾಗದೇ ಆಡಿದ ಕೀರ್ತಿ ಬಹುಶಃ ಆಶಿಷ್ ನೆಹ್ರಾರದ್ದೇ ಇರಬೇಕು. ನಿನ್ನೆ ನಡೆದ ಪಂದ್ಯದೊಂದಿಗೆ ನಿವೃತ್ತರಾದ ನೆಹ್ರಾ ಹೊಸ ದಾಖಲೆಯನ್ನೂ ಮಾಡಿದರು.

18 ವರ್ಷಗಳ ಕ್ರಿಕೆಟ್ ವೃತ್ತಿ ಜೀವನದಲ್ಲಿ ನೆಹ್ರಾ ಒಟ್ಟು 6 ನಾಯಕರ ನಾಯಕತ್ವದಲ್ಲಿ ಆಡಿದ ಕೀರ್ತಿಗೆ ಪಾತ್ರರಾದರು. ಕೊನೆಗೂ ತಮ್ಮ ತವರು ಪ್ರೇಕ್ಷಕರೆದುರು ನಿವೃತ್ತಿ ಹೊಂದುವ ಅಪರೂಪದ ಅವಕಾಶ ಪಡೆದುಕೊಂಡರು.

ಮೊಹಮ್ಮದ್ ಅಜರುದ್ದೀನ್ ನಾಯಕತ್ವದಲ್ಲಿ ವೃತ್ತಿ ಜೀವನ ಆರಂಭಿಸಿದ ನೆಹ್ರಾ, ಸೌರವ್ ಗಂಗೂಲಿ,  ರಾಹುಲ್ ದ್ರಾವಿಡ್, ಅನಿಲ್ ಕುಂಬ್ಳೆ, ಧೋನಿ ಮತ್ತು ಇದೀಗ ಕೊಹ್ಲಿ ನಾಯಕತ್ವದಲ್ಲಿ ಆಡಿದ ದಾಖಲೆ ಮಾಡಿ ಕ್ರಿಕೆಟ್ ಗೆ ವಿದಾಯ ಹೇಳಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ