ಧರ್ಮಶಾಲಾ: ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯದಲ್ಲಿ ಆರ್ ಸಿಬಿ ಸ್ಟಾರ್ ಪ್ಲೇಯರ್ ವಿರಾಟ್ ಕೊಹ್ಲಿ ಮಾಡಿದ ಚಿರತೆಯ ವೇಗದ ರನೌಟ್ ಒಂದು ಸೋಷಿಯಲ್ ಮೀಡಿಯಾದಲ್ಲಿ ಹಲ್ ಚಲ್ ಎಬ್ಬಿಸಿದೆ.
ವಿರಾಟ್ ಕೊಹ್ಲಿಗೆ ವಯಸ್ಸಾಗಿದೆ. ಅವರು ಇನ್ನು ಟಿ20 ಕ್ರಿಕೆಟ್ ಆಡುವುದಕ್ಕೆ ಲಾಯಕ್ಕಲ್ಲ. ಕಿರಿಯ ಆಟಗಾರರಿಗೆ ತಮ್ಮ ಸ್ಥಾನ ಬಿಟ್ಟುಕೊಡಬೇಕು ಎಂದು ಟೀಕೆ ಮಾಡುವವರಿಗೆ ಕೊಹ್ಲಿಯ ಈ ಮಿಂಚಿನಂತಹ ರನೌಟ್ ಉತ್ತರವಾಗಿತ್ತು. ನಿನ್ನೆಯ ಪಂದ್ಯದಲ್ಲಿ ಕೊಹ್ಲಿ ಪಂಜಾಬ್ ಬ್ಯಾಟಿಗ ಶಶಾಂಕ್ ಸಿಂಗ್ ರನ್ನು ರನೌಟ್ ಮಾಡಿದರು.
ಈ ವೇಳೆ ಶಶಾಂಕ್ ಅಬ್ಬರದ ಬ್ಯಾಟಿಂಗ್ ನಡೆಸುತ್ತಿದ್ದರು. ಒಂದು ವೇಳೆ ಅವರು ಕೊನೆಯವರೆಗೆ ಇದ್ದಿದ್ದರೆ ಪಂದ್ಯ ಪಂಜಾಬ್ ಗೆಲ್ಲಬಹುದಿತ್ತೇನೋ. ಆದರೆ ಮಿಡ್ ವಿಕೆಟ್ ಗೆ ಹೋದ ಬಾಲ್ ನ್ನು ತಡೆಹಿಡಿದು 30 ಯಾರ್ಡ್ ವೃತ್ತದವರೆಗೆ ಓಡಿ ನೇರವಾಗಿ ನಾನ್ ಸ್ಟ್ರೈಕರ್ ಕಡೆಗೆ ಡೈರೆಕ್ಟ್ ಹಿಟ್ ಮಾಡಿದರು. ಇದರಿಂದಾಗಿ ಶಶಾಂಕ್ ಸಿಂಗ್ ರನೌಟ್ ಆದರು.
ಕೊಹ್ಲಿಯ ಈ ರನೌಟ್ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಕೊಹ್ಲಿಯನ್ನು ವಯಸ್ಸಾಯ್ತು ಅನ್ನುವವರೆಲ್ಲಾ ಈ ರನೌಟ್ ನೋಡಿ ಏನಂತೀರಿ ಎಂದು ಅವರ ಅಭಿಮಾನಿಗಳು ಟಾಂಗ್ ಕೊಟ್ಟಿದ್ದಾರೆ. ವಿರಾಟ್ ಕೊಹ್ಲಿ ಫಿಟ್ಟೆಸ್ಟ್ ಕ್ರಿಕೆಟಿಗನಾಗಿದ್ದು, ಅವರ ಫಿಟ್ನೆಸ್ ಗೆ ಈ ರನೌಟ್ ಸಾಕ್ಷಿ.
