ತನ್ನ ಸ್ಥಾನವನ್ನು ವಿರಾಟ್ ಕೊಹ್ಲಿ, ಕೆಎಲ್ ರಾಹುಲ್ ಗೆ ಬಿಟ್ಟುಕೊಟ್ಟಿದ್ದೇಕೆ?

ಮ್ಯಾಂಚೆಸ್ಟರ್: ಇಂಗ್ಲೆಂಡ್ ವಿರುದ್ಧ ಮೊದಲ ಟಿ20 ಪಂದ್ಯದಲ್ಲಿ ಕೆಎಲ್ ರಾಹುಲ್ ನಾಯಕ ವಿರಾಟ್ ಕೊಹ್ಲಿಯ ಮೆಚ್ಚಿನ ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಗೆ ಇಳಿದು ಕಮಾಲ್ ಮಾಡಿದ್ದರು.

ಅಷ್ಟಕ್ಕೂ ಕೊಹ್ಲಿ ತಾನು ಹೆಚ್ಚು ಯಶಸ್ಸು ಗಳಿಸಿರುವ ಮೂರನೇ ಕ್ರಮಾಂಕವನ್ನು ಯಾಕೆ ರಾಹುಲ್ ಗೆ ಬಿಟ್ಟುಕೊಟ್ಟರು ಎನ್ನುವುದಕ್ಕೆ ಪಂದ್ಯದ ನಂತರ ಅವರೇ ಸ್ಪಷ್ಟನೆ ನೀಡಿದ್ದಾರೆ.

‘ವಿಶ್ವಕಪ್ ದೃಷ್ಟಿಯಿಂದ ನಾವು ಪ್ರಯೋಗ ಮಾಡಲೇಬೇಕಾಗಿತ್ತು. ರಾಹುಲ್ ಅತ್ಯುತ್ತಮ ತಾಂತ್ರಿಕ ಕೌಶಲ್ಯವಿರುವ ಬ್ಯಾಟ್ಸ್ ಮನ್. ಅವರು ಇಂತಹದ್ದೊಂದು ಅವಕಾಶಕ್ಕಾಗಿ ಅದೆಷ್ಟೋ ದಿನದಿಂದ ಕಾಯುತ್ತಿದ್ದರು. ಹಾಗಾಗಿಯೇ ಶತಕ ಗಳಿಸಿದ ಮೇಲೆ ಕೊಂಚ ಭಾವುಕರಾದರು. ಮೂರನೇ ಕ್ರಮಾಂಕದಲ್ಲಿ ಆಡಿದ್ದರಿಂದ ಅವರಿಗೆ ತಮ್ಮ ಮೆಚ್ಚಿನ ಹೊಡೆತಗಳನ್ನು ಆಡಲು ಸಾಕಷ್ಟು ಅವಕಾಶ ಸಿಕ್ಕಿತು. ಅವರು ಒಮ್ಮೆ ಸಿಡಿದರೆ ನಿಯಂತ್ರಿಸುವುದು ಕಷ್ಟ. ಐಪಿಎಲ್ ನಿಂದಲೂ ಇದನ್ನೇ ಮಾಡುತ್ತಾ ಬಂದಿದ್ದಾರೆ. ನಾನು ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಗೆ ಇಳಿದರೆ ಇನಿಂಗ್ಸ್ ನಿಯಂತ್ರಿಸಬಹುದು ಎಂದು ಲೆಕ್ಕಾಚಾರ ಹಾಕಿದೆ’ ಎಂದು ರಾಹುಲ್ ಬಗ್ಗೆ ಮೆಚ್ಚುಗೆಯ ಮಾತನಾಡಿದ್ದಾರೆ ಕೊಹ್ಲಿ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.