ವಿಶ್ವಕಪ್ ಗೆ ಆಯ್ಕೆಯಾಗದಿದ್ದರೂ ಟೀಂ ಇಂಡಿಯಾಕ್ಕೆ ನೆರವಾಗಲಿರುವ ಕ್ರಿಕೆಟಿಗರು ಇವರು!

ಮುಂಬೈ: ವಿಶ್ವಕಪ್ ತಂಡಕ್ಕೆ ಆಯ್ಕೆಯಾಗದಿದ್ದರೂ ಮಹಾನ್ ಕೂಟಕ್ಕೆ ಟೀಂ ಇಂಡಿಯಾ ಸಜ್ಜಾಗಲು ಅವಕಾಶ ವಂಚಿತರಾದ ಈ ಕ್ರಿಕೆಟಿಗರು ನೆರವಾಗಲಿದ್ದಾರೆ.

ಯುವ ಬೌಲರ್ ಗಳಾದ ಖಲೀಲ್ ಅಹಮ್ಮದ್, ನವದೀಪ್ ಸೈನಿ, ಅವೇಶ್ ಮತ್ತು ದೀಪಕ್ ಚಹರ್ ಟೀಂ ಇಂಡಿಯಾ ಅಭ್ಯಾಸಕ್ಕೆ ನೆರವಾಗಲಿದ್ದಾರೆ.

ವಿಶ್ವಕಪ್ ತಂಡದಲ್ಲಿ ಮೂವರು ವೇಗಿಗಳು ಆಯ್ಕೆಯಾಗಿದ್ದಾರೆ. ಅಭ್ಯಾಸದ ವೇಳೆ ಈ ಯುವ ಬೌಲರ್ ಗಳನ್ನು ಬಳಸಿಕೊಂಡು ಟೀಂ ಇಂಡಿಯಾ ಬ್ಯಾಟ್ಸ್ ಮನ್ ಗಳು ಅಭ್ಯಾಸ ನಡೆಸಲಿದ್ದಾರೆ.

ಅದರಲ್ಲೂ ಖಲೀಲ್ ಅಹಮ್ಮದ್ ಮತ್ತು ಸೈನಿ ಹೆಸರು ತಂಡದ ಆಯ್ಕೆ ವೇಳೆ ಪ್ರಸ್ತಾಪವಾಗಿತ್ತಂತೆ. ಹೀಗಾಗಿ ಈಗಾಗಲೇ ಆಯ್ಕೆಗೊಂಡ ಬೌಲರ್ ಗಳ ಪೈಕಿ ಯಾರಾದರೂ ಗಾಯಗೊಂಡರೆ ಈ ಇಬ್ಬರಲ್ಲಿ ಒಬ್ಬರು ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆಯಲಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ