ನವದೆಹಲಿ: ರಸ್ತೆ ಅಪಘಾತದಿಂದಾಗಿ ಕಳೆದ ಒಂದು ವರ್ಷದಿಂದ ಕ್ರಿಕೆಟ್ ನಿಂದ ದೂರವಿರುವ ವಿಕೆಟ್ ಕೀಪರ್ ಬ್ಯಾಟಿಗ ರಿಷಬ್ ಪಂತ್ ಐಪಿಎಲ್ ಗೆ ಮರಳಲಿದ್ದಾರೆ ಎಂಬ ಸುದ್ದಿಯಿತ್ತು.
ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ನಾಯಕರಾಗಿ ರಿಷಬ್ ಈ ಬಾರಿ ಮತ್ತೆ ಕಣಕ್ಕಿಳಿಯಲಿದ್ದಾರೆ ಎಂಬ ಸುದ್ದಿ ಓಡಾಡುತ್ತಿತ್ತು. ಅದಕ್ಕೆ ತಕ್ಕ ಹಾಗೆ ತಂಡದ ಮೆಂಟರ್ ಸೌರವ್ ಗಂಗೂಲಿ ಕೂಡಾ ರಿಷಬ್ ಐಪಿಎಲ್ ವೇಳೆಗೆ ಮರಳಬಹುದು ಎಂದಿದ್ದರು.
ಇತ್ತೀಚೆಗೆ ಡೆಲ್ಲಿ ಕ್ಯಾಪಿಟಲ್ಸ್ ಕ್ಯಾಂಪ್ ನಲ್ಲಿ ರಿಷಬ್ ಅಭ್ಯಾಸ ನಡೆಸಿದ್ದರಿಂದ ಅವರು ಐಪಿಎಲ್ 2024 ರ ವೇಳೆಗೆ ಕ್ರಿಕೆಟ್ ಗೆ ಮರಳಬಹುದು ಎಂದೇ ಎಲ್ಲರ ವಿಶ್ವಾಸವಾಗಿತ್ತು.
ಇದೀಗ ಸ್ವತಃ ರಿಷಬ್ ತಮ್ಮ ಫಿಟ್ನೆಸ್ ಬಗ್ಗೆ ಮಾಹಿತಿ ನೀಡಿದ್ದಾರೆ. ‘ನಾನಿನ್ನೂ ಶೇಕಡಾ 100 ರಷ್ಟು ಫಿಟ್ ಆಗಿಲ್ಲ. ಐಪಿಎಲ್ ವೇಳೆಗೆ ಫಿಟ್ ಆಗಬಹುದು ಎಂಬ ವಿಶ್ವಾಸವಿದೆ. 100 ಪ್ರತಿಶತ ಫಿಟ್ ಆದರೆ ಮಾತ್ರ ಐಪಿಎಲ್ ಆಡುತ್ತೇನೆ. ಈಗಲೇ ಹೇಳಲು ಸಾಧ‍್ಯವಾಗದು’ ಎಂದಿದ್ದಾರೆ.
