ಧೋನಿ ಬಗ್ಗೆ ತಿಳಿಯಬೇಕಾದರೆ ಐಪಿಎಲ್ ವರೆಗೆ ಕಾಯಿರಿ ಎಂದ ರವಿಶಾಸ್ತ್ರಿ

ಮುಂಬೈ: ಟೀಂ ಇಂಡಿಯಾ ಹಿರಿಯ ವಿಕೆಟ್ ಕೀಪರ್ ಧೋನಿ ನಿವೃತ್ತಿಯಾಗುತ್ತಾರಾ ಇಲ್ಲವೋ ಎಂಬುದರ ಬಗ್ಗೆ ಹಲವು ಊಹಾಪೋಹಗಳು ಹರಿದಾಡುತ್ತಲೇ ಇವೆ. ಈ ಬಗ್ಗೆ ಕೋಚ್ ರವಿಶಾಸ್ತ್ರಿ ಹೇಳಿದ್ದೇನು ಗೊತ್ತಾ?

ಮುಂದಿನ ವರ್ಷ ನಡೆಯಲಿರುವ ಟಿ20 ವಿಶ್ವಕಪ್ ಕೂಟದಲ್ಲಿ ಧೋನಿ ಭಾಗವಹಿಸುತ್ತಾರೋ ಇಲ್ಲವೋ ಎಂಬ ಬಗ್ಗೆ ನಿಮ್ಮಷ್ಟಕ್ಕೇ ಊಹೆ ಮಾಡಿಕೊಳ್ಳಬೇಡಿ. ಐಪಿಎಲ್ ವರೆಗೆ ಕಾಯಿರಿ ಎಂದು ರವಿಶಾಸ್ತ್ರಿ ಹೇಳಿದ್ದಾರೆ.

ಐಪಿಎಲ್ ಬಳಿಕ ಕೆಲವೇ ದಿನಗಳಲ್ಲಿ ವಿಶ್ವಕಪ್ ಕೂಟವಿದೆ. ಐಪಿಎಲ್ ಎಂಬುದು ದೊಡ್ಡ ವೇದಿಕೆಯಾಗಿದ್ದು, ಧೋನಿ ಅಲ್ಲಿ ಆಡುವವರೆಗೆ ಕಾಯಿರಿ. ಅವರು ಯಾವಾಗ ಆಡಲು ಶುರು ಮಾಡುತ್ತಾರೆ ಎಂಬುದರ ಬಗ್ಗೆ ಅವರ ಮುಂದಿನ ಪಂದ್ಯಗಳ ಭವಿಷ್ಯ ನಿರ್ಧಾರವಾಗಲಿದೆ ಎಂದು ರವಿಶಾಸ್ತ್ರಿ ಹೇಳಿದ್ದಾರೆ.