ಭಾರತ-ಐರ್ಲೆಂಡ್ ಮೊದಲ ಪಂದ್ಯಕ್ಕೇ ಮಳೆ ಭೀತಿ

ಡುಬ್ಲಿನ್: ಭಾರತ ಮತ್ತು ಐರ್ಲೆಂಡ್ ನಡುವೆ ಶುಕ್ರವಾರದಿಂದ ಆರಂಭವಾಗಲಿರುವ ಟಿ20 ಸರಣಿಯ ಮೊದಲ ಪಂದ್ಯಕ್ಕೇ ಮಳೆ ಭೀತಿ ಎದುರಾಗಿದೆ.

ಆಗಸ್ಟ್ 18 ರಿಂದ ಮೂರು ಪಂದ್ಯಗಳ ಟಿ20 ಸರಣಿ ಆರಂಭವಾಗಲಿದೆ. ಭಾರತ ತಂಡಕ್ಕೆ ಜಸ್ಪ್ರೀತ್ ಬುಮ್ರಾ ನಾಯಕರಾಗಿದ್ದು, ಬಹುತೇಕ ಯುವ ಪಡೆ ಕಣಕ್ಕಿಳಿಯಲಿದೆ.

ಸರಣಿಯ ಮೊದಲ ಪಂದ್ಯ ಶುಕ್ರವಾರ ಡುಬ್ಲಿನ್ ನಲ್ಲಿ ನಡೆಯಲಿದ್ದು, ಈಗಿನ ಹವಾಮಾನ ವರದಿ ಪ್ರಕಾರ ಶೇ.90 ರಷ್ಟು ಮಳೆ ಬರುವ ಸಾಧ‍್ಯತೆಯಿದೆ. ಇರೋದೇ ಮೂರು ಪಂದ್ಯ. ಅದರಲ್ಲೂ ಒಂದು ಮಳೆಗಾಹುತಿಯಾದರೆ ಭಾರತ ತಂಡದ್ದು ಕೇವಲ ಐರ್ಲೆಂಡ್ ಟೂರ್ ಆಗಲಿದೆಯಷ್ಟೇ.