ಮುಂಬೈ: ದ.ಆಫ್ರಿಕಾ ವಿರುದ್ಧ ಮೊದಲ ಟೆಸ್ಟ್ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಬಗ್ಗೆ ಹಿರಿಯ ಸ್ಪಿನ್ನರ್ ಹರ್ಭಜನ್ ಸಿಂಗ್ ಭವಿಷ್ಯವೊಂದನ್ನು ನುಡಿದಿದ್ದಾರೆ.
ಅಶ್ವಿನ್ ವೃತ್ತಿ ಜೀವನದಲ್ಲಿ ಬಹುದೊಡ್ಡ ಯಶಸ್ಸು ಗಳಿಸುತ್ತಾರೆ. ನನ್ನ ದಾಖಲೆಯನ್ನು ಮುರಿಯುತ್ತಾರೆ. ವೃತ್ತಿ ಜೀವನದಲ್ಲಿ ಅವರು 600 ವಿಕೆಟ್ ಗಳ ಗುರಿ ಸಾಧಿಸುತ್ತಾರೆ ಎಂದು ಭಜಿ ಭವಿಷ್ಯ ನುಡಿದಿದ್ದಾರೆ.
‘ಜನ ಅಶ್ವಿನ್ ಸಾಮರ್ಥ್ಯದ ಬಗ್ಗೆ ಹಲವು ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ. ಅವರು ತವರಿನ ಪಿಚ್ ನಲ್ಲಿ ಚೆನ್ನಾಗಿ ಆಡುತ್ತಾರೆ ಎನ್ನುತ್ತಾರೆ. ಆದರೆ ಅವರ ರೀತಿ ಬೇರೆ ಸ್ಪಿನ್ನರ್ ಗಳೂ ತವರಿನ ಪಿಚ್ ನಲ್ಲಿ ಬೌಲಿಂಗ್ ಮಾಡುತ್ತಾರೆ. ಆದರೆ ಅವರಿಗಿಂತ ಅಶ್ವಿನ್ ಬೆಟರ್ ಬೌಲರ್. ನನ್ನ 417 ವಿಕೆಟ್ ದಾಖಲೆ ಮುರಿಯೋದು ಖಂಡಿತಾ. 600 ವಿಕೆಟ್ ಗಳಿಸುತ್ತಾರೋ ಬಿಡುತ್ತಾರೋ, ಆದರೆ 500 ವಿಕೆಟ್ ಗಳ ಗುರಿ ದಾಟೋದು ಖಂಡಿತಾ’ ಎಂದು ಭಜಿ ಅಭಿಪ್ರಾಯಪಟ್ಟಿದ್ದಾರೆ.
