ಇಸ್ಲಾಮಾಬಾದ್: ಇಷ್ಟು ದಿನ ಫಿಟ್ನೆಸ್ ಬಗ್ಗೆ ತಲೆಯೇ ಕೆಡಿಸಿಕೊಳ್ಳದೆ ಬೇಕಾಬಿಟ್ಟಿ ಇದ್ದ ಪಾಕಿಸ್ತಾನ ಕ್ರಿಕೆಟಿಗರಿಗೆ ಚಾಟಿ ಬೀಸಲು ಅಲ್ಲಿನ ಕ್ರಿಕೆಟ್ ಮಂಡಳಿ ನಿರ್ಧರಿಸಿದೆ.
ಪಾಕಿಸ್ತಾನದಲ್ಲಿ ಕ್ರಿಕೆಟ್ ಸುಧಾರಣೆಗೆ ಕ್ರಮ ಕೈಗೊಳ್ಳುತ್ತಿರುವ ಪಿಸಿಬಿ ಇನ್ನು ಮುಂದೆ ಫಿಟ್ನೆಸ್ ಇಲ್ಲದ ಕ್ರಿಕೆಟಿಗರ ವೇತನಕ್ಕೆ ಕತ್ತರಿ ಹಾಕಲು ತೀರ್ಮಾನಿಸಿದೆ. ಇದಕ್ಕಾಗಿ ಮುಂದಿನ ವಾರದಿಂದ ಗುತ್ತಿಗೆ ಪಡೆದ ಆಟಗಾರರ ಫಿಟ್ನೆಸ್ ಪರೀಕ್ಷೆ ನಡೆಸಲಿದೆ.
ಫಿಟ್ನೆಸ್ ಇಲ್ಲದ ಕ್ರಿಕೆಟಿಗರ ವೇತನದ ಶೇ.15 ರಷ್ಟು ಕಡಿತಗೊಳಿಸಲಾಗುತ್ತದೆ. ಎಲ್ಲಿಯವರೆಗೆ ಅವರು ಫಿಟ್ ಆಗುವುದಿಲ್ಲವೋ ಅಲ್ಲಿಯವರೆಗೆ ಈ ವೇತನ ಕಡಿತ ಜಾರಿಯಲ್ಲಿರಲಿದೆ.
