ಭಾರತದ ವಿರುದ್ಧ ವಿಶ್ವಕಪ್ ಪಂದ್ಯ ಸೋತ ಬಳಿಕ ಆತ್ಮಹತ್ಯೆಗೆ ಮುಂದಾಗಿದ್ದ ಪಾಕ್ ಕೋಚ್!

ಲಂಡನ್: ವಿಶ್ವಕಪ್ ಕ್ರಿಕೆಟ್ 2019 ರ ಭಾರತದ ವಿರುದ್ಧದ ಪಂದ್ಯವನ್ನು 89 ರನ್ ಗಳಿಂದ ಹೀನಾಯವಾಗಿ ಸೋತ ಬಳಿಕ ಪಾಕಿಸ್ತಾನ ತಂಡದ ಮೇಲೆ ಟೀಕೆಗಳ ಸುರಿಮಳೆಯೇ ಆಗಿತ್ತು. ಈ ಸೋಲಿನ ಹತಾಶೆಯಿಂದ ಪಾಕ್ ಕೋಚ್ ಮಿಕಿ ಅರ್ಥರ್ ಆತ್ಮಹತ್ಯೆಗೆ ಮುಂದಾಗಿದ್ದರಂತೆ!

ಪಾಕಿಸ್ತಾನ ಸೋಲಿನ ಬಳಿಕ ಮಾಧ್ಯಮ, ಅಭಿಮಾನಿಗಳು, ಮಾಜಿ ಆಟಗಾರರ ಟೀಕೆಗಳಿಂದ ಒತ್ತಡದಲ್ಲಿದ್ದೆವು. ಟೀಕೆಗಳಿಗೆ ಬೇಸತ್ತು ಕಳೆದ ಭಾನುವಾರ ನಾನು ಆತ್ಮಹತ್ಯೆಗೆ ಮುಂದಾಗಿದ್ದೆ. ಆ ಒಂದೇ ಸೋಲಿನ ಬಳಿಕ ನಮ್ಮನ್ನು ನಾವು ರಕ್ಷಿಸಿಕೊಳ್ಳುವುದು ಹೇಗೆ ಎಂದಾಗಿತ್ತು ಎಂದು ಆರ್ಥರ್ ಸುದ್ದಿಗೋಷ್ಠಿಯಲ್ಲಿ ಬಹಿರಂಗಪಡಿಸಿದ್ದಾರೆ.

ದ.ಆಫ್ರಿಕಾ ವಿರುದ್ಧ ಗೆಲುವಿನ ಬಳಿಕ ಇದೀಗ ಪಾಕಿಸ್ತಾನ ಸೆಮಿಫೈನಲ್ ಆಸೆ ಜೀವಂತವಾಗಿರಿಸಿದ್ದು, ಅಭಿಮಾನಿಗಳ ಟೀಕೆಯಿಂದಲೂ ಸದ್ಯಕ್ಕೆ ಪಾರಾಗಿದೆ. ಈ ಗೆಲುವು ಪಾಕ್ ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ.