ಮುಂಬೈ: ಮುಂಬರುವ ಐಪಿಎಲ್ ನಲ್ಲಿ ಯಾವುದಾದರೂ ಒಂದು ತಂಡ ದುಬಾರಿ ಬೆಲೆ ಖರೀದಿಸಬಹುದಾದ ಆಟಗಾರ ಎಂದರೆ ಯಾರು ಗೊತ್ತೇ?
ಕ್ರಿಕೆಟಿಗ ಹರ್ಭಜನ್ ಸಿಂಗ್ ಈಗಾಗಲೇ ಆ ಆಟಗಾರ ಯಾರಿರಬಹುದೆಂದು ಭವಿಷ್ಯ ನುಡಿದಿದ್ದಾರೆ. ಭಾರತದ ವಿರುದ್ಧ ಮೊದಲ ಏಕದಿನ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ನ ಶಿಮ್ರೋನ್ ಹೆಟ್ ಮೇರ್ ಶತಕ ಸಿಡಿಸಿದ ಪರಿ ನೋಡಿ ಭಜಿ ಇವರೇ ಮುಂದಿನ ಮಿಲಿಯನ್ ಡಾಲರ್ ಬೇಬಿ ಎಂದಿದ್ದಾರೆ.
ಮೊದಲ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಶತಕದ ಅಬ್ಬರವಿದ್ದರೂ ಹೆಟ್ ಮೇರ್ ರ ನಿರ್ಭಿಡೆಯ ಇನಿಂಗ್ಸ್, ಅವರ ಮಾರುದ್ದದ ಶಾಟ್ ಗಳನ್ನು ನೋಡಿ ಈ ಆಟಗಾರ ಮುಂದಿನ ಐಪಿಎಲ್ ನಲ್ಲಿ ದುಬಾರಿ ಆಟಗಾರನಾಗಿ ಬಿಕರಿಯಾಗುತ್ತಾನೆ ನೋಡುತ್ತಿರಿ ಎಂದು ಭಜಿ ಭವಿಷ್ಯ ನುಡಿದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
