ಬೆಂಗಳೂರು: ಲಾಕ್ ಡೌನ್ ನಿಂದಾಗಿ ಜಿಮ್ ಗೂ ತೆರಳಲು ಸಾಧ‍್ಯವಾಗುತ್ತಿಲ್ಲ ಎಂದು ಅದೆಷ್ಟೋ ಮಂದಿ ಮನೆಯಲ್ಲಿಯೇ ತಮ್ಮ ಕೈಲಾದ ರೀತಿಯಲ್ಲಿ ಜಿಮ್ ಮಾಡುತ್ತಿದ್ದಾರೆ. ಆದರೆ ಈಗ ಜಿಮ್ ಪ್ರಿಯರಿಗೆ ಸಿಹಿ ಸುದ್ದಿ ಕಾದಿದೆ.
ಮೇ 17 ರ ನಂತರ ಲಾಕ್ ಡೌನ್ ನಿಯಮಗಳನ್ನು ಮತ್ತಷ್ಟು ಸಡಿಲಿಸಲಿರುವ ರಾಜ್ಯ ಸರ್ಕಾರ ಕರ್ನಾಟಕದಲ್ಲಿ ಜಿಮ್ ತೆರೆಯಲು ಅವಕಾಶ ನೀಡುವ ಸಾಧ್ಯತೆಯಿದೆ.
ಆದರೆ ಜಿಮ್ ಗೆ ಮೊದಲಿನಂತೆ ಬೇಕಾಬಿಟ್ಟಿ ತೆರಳುವಂತಿಲ್ಲ. ಸೂಕ್ತ ಸುರಕ್ಷತಾ ಸಾಧನ, ಸಾಮಾಜಿಕ ಅಂತರ ಮುಂತಾದ ಷರತ್ತುಗಳನ್ನು ಪಾಲಿಸಬೇಕಾಗಬಹುದು. ಈ ಬಗ್ಗೆ ಸದ್ಯದಲ್ಲೇ ಸರ್ಕಾರ ಅಧಿಕೃತ ಘೋಷಣೆ ಮಾಡುವ ಸಾಧ್ಯತೆಯಿದೆ.
