ಮುಂಬೈ: ಪಾಕಿಸ್ತಾನಿ ಮೂಲದ ನಟಿ ಮಹಿರಾ ಖಾನ್ ಜತೆ ಹೋಟೆಲ್ ಒಂದರಲ್ಲಿ ಬಾಲಿವುಡ್ ನಟ ರಣಬೀರ್ ಕಪೂರ್ ಧಮ್ ಎಳೆಯುತ್ತಿರುವಾಗ ತೆಗೆದಿದ್ದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಈ ಬಗ್ಗೆ ರಣಬೀರ್ ತಂದೆ ರಿಷಿ ಕಪೂರ್ ಪ್ರತಿಕ್ರಿಯಿಸಿದ್ದಾರೆ.
‘ನನ್ನ ಮಗನಿಗೆ ಮದುವೆಯಾಗಿಲ್ಲ. ಆತ ಯಾವ ಹುಡುಗಿಯ ಜತೆಗೆ ಇಷ್ಟವಾಗುತ್ತೋ ಅವರ ಜತೆ ತಿರುಗಾಡುತ್ತಾನೆ. ಅದೆಲ್ಲಾ ಅವನ ಇಷ್ಟ. ಅದರಲ್ಲಿ ತಪ್ಪೇನು?’ ಎಂದು ರಿಷಿ ಕಪೂರ್ ವಿವಾದ ಮಾಡುತ್ತಿರುವವರಿಗೆ ಪ್ರಶ್ನಿಸಿದ್ದಾರೆ.
ಸ್ವತಃ ರಣಬೀರ್ ಕೂಡಾ ಈ ಬಗ್ಗೆ ವಿವಾದ ಹರಡುತ್ತಿರುವವರ ವಿರುದ್ಧ ಕಿಡಿ ಕಾರಿದ್ದು, ಈ ವಿಚಾರದಲ್ಲಿ ಕೇವಲ ಮಹಿರಾ ಅವರನ್ನು ಟಾರ್ಗೆಟ್ ಮಾಡುತ್ತಿರುವುದೇಕೆ ಎಂದು ಪ್ರಶ್ನಿಸಿದ್ದಾರೆ. ಅತ್ತ ಪಾಕ್ ಮೂಲದ ನಟ-ನಟಿಯರಿಂದಲೂ ಮಹಿರಾಗೆ ಬೆಂಬಲ ವ್ಯಕ್ತವಾಗಿದೆ.
