ಹೈದರಾಬಾದ್ : ನಟಿಯೊಬ್ಬಳು ಚಿತ್ರರಂಗಕ್ಕೆ ಕಾಲಿಟ್ಟ ತಕ್ಷಣ ಅವರ ವೈಯಕ್ತಿಕ ಜೀವನದ ಬಗ್ಗೆ ತಿಳಿಯುವ ಕುತೂಹಲ ಹಲವರಲ್ಲಿರುತ್ತದೆ. ಅವರಿಗೆ ಬಾಯ್ ಫ್ರೆಂಡ್ ಇದ್ದಾನಾ?, ಅವರ ಮದುವೆ ಯಾವಾಗ? ಈ ತರಹದ ಪ್ರಶ್ನೆ ಹಲವರಲ್ಲಿ ಇರುತ್ತದೆ. ಅದೇರೀತಿ ತೆಲುಗು ನಟಿ ಚಾರ್ಮಿ ಕೌರ್ ಅವರಲ್ಲಿ ಅವರ ಮದುವೆ ಬಗ್ಗೆ ಕೇಳಿದಾಗ ಅವರು ನೀಡಿದ ಉತ್ತರ ಎಲ್ಲರಲೂ ಅಚ್ಚರಿ ಮೂಡಿಸಿದೆ.
ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ನಟಿ ಚಾರ್ಮಿ ಅವರು ಪಾಲ್ಗೊಂಡಿದ್ದ ಸಂದರ್ಭದಲ್ಲಿ ಅವರ ಬಳಿ ನಿಮ್ಮ ಮದುವೆ ಯಾವಾಗ ಅಂತಾ ಕೇಳಿದಾಗ ನಟಿ ತಮ್ಮ ವೈವಾಹಿಕ ಜೀವನದ ಬಗೆಗಿನ ವಿಚಾರವನ್ನು ಯಾವುದೇ ರೀತಿಯಾದ ಮುಜುಗರ ವ್ಯಕ್ತಪಡಿಸದೆ ತಿಳಿಸಿದ್ದಾರೆ. ಈ ಬಗ್ಗೆ ಮಾತನಾಡಿದ ನಟಿ ಚಾರ್ಮಿ ಅವರು,’ನನಗೆ ಮದುವೆ ಇಷ್ಟವಿಲ್ಲ. ಸಿಂಗಲ್ ಆಗಿ ಇರೋದೆ ಇಷ್ಟ. ಸಿಂಗಲ್ ಲೈಫ್‌ ಇಸ್ ಬ್ಯೂಟಿಫುಲ್. ನಾನು ಮದುವೆಯ ವಸ್ತುವಲ್ಲ ಅನ್ನೋದನ್ನು ನನ್ನ ತಂದೆ ಹೇಳುತ್ತಾರೆ.
ಅದರಂತೆ ಮ್ಯಾರೇಜ್ ಬಳಿಕ ವ್ಯಕ್ತಿಯೊಬ್ಬರ ಆದೇಶಗಳನ್ನು ಪಾಲಿಸುತ್ತ, ಅವರು ಹೇಳಿದ ಹಾಗೆ ಕೇಳುತ್ತ ಕೂರಲು ನಂಗೆ ಇಷ್ಟವಿಲ್ಲ’ ಎಂದು ಹೇಳಿದ್ದಾರೆ. ಹಾಗೆ ತಮ್ಮ ಬಾಯ್‌ಫ್ರೆಂಡ್ ವಿಚಾರದ ಬಗ್ಗೆ ಮಾತನಾಡಿದ ಅವರು,’ ಈ ಹಿಂದೆ ನಾನೊಬ್ಬ ವ್ಯಕ್ತಿಯನ್ನು ಪ್ರೀತಿಸಿದ್ದೆ. ಆದರೆ, ಅದು ವರ್ಕೌಟ್ ಆಗಲಿಲ್ಲ. ಒಂದು ವೇಳೆ ಆತನೊಂದಿಗೆ ಮದುವೆಯಾಗಿದ್ರೆ, ಸುಖಕ್ಕಿಂತ ದುಃಖವೇ ಜಾಸ್ತಿ ಅನುಭವಿಸಬೇಕಾಗ್ತಿತ್ತು. ಅವನ ಜತೆ ಡಿವೋರ್ಸ್ ಪಡೆಯಬೇಕಾಗುತ್ತಿತ್ತು ಎಂದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
