ಹೈದರಾಬಾದ್ : ಕಾಸ್ಟಿಂಗ್ ಕೌಚ್ ಬಗ್ಗೆ ವಿರೋಧ ವ್ಯಕ್ತಪಡಿಸಿ ತೆಲುಗು ನಟಿ ಶ್ರೀರೆಡ್ಡಿ ಮಾಡಿರುವ ಪ್ರತಿಭಟನೆಯ ಬಗ್ಗೆ ಇದೀಗ ಖ್ಯಾತ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರು ಬೆಂಬಲ ಸೂಚಿಸಿದ್ದಾರೆ.
ಈ ವಿಚಾರವಾಗಿ ಪ್ರತಿಕ್ರಿಯಿಸಿದ್ದ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರು,’ ನೂರು ವರ್ಷಗಳ ಹಿಂದೆ ಸಿನಿಮಾ ಉದ್ಯಮ ಹುಟ್ಟಿದಂದಿನಿಂದ ಕಾಸ್ಟಿಂಗ್ ಕೌಚ್ ನಡೆಯುತ್ತಲೇ ಇದೆ. ವೈಯಕ್ತಿಕವಾಗಿ ಹಲವರ ಮೇಲೆ ಆಕೆ ಮಾಡಿರುವ ಆರೋಪದ ತಂಟೆಗೆ ನಾನು ಹೋಗಲ್ಲ. ಕಳೆದ ನೂರು ವರ್ಷಗಳಲ್ಲಿ ಕಾಸ್ಟಿಂಗ್ ಕೌಚ್ ಬಗ್ಗೆ ಯಾರೂ ಬೆಳಕಿಗೆ ತರದಷ್ಟು ಶ್ರೀರೆಡ್ಡಿ ತಂದಿದ್ದಾರೆ. ಅದಕ್ಕಾಗಿ ಆಕೆಗೆ ನನ್ನ ಸಲ್ಯೂಟ್" ಎಂದು ಟ್ವೀಟ್ ಮಾಡಿದ್ದಾರೆ.
ಹಾಗೇ ಟಿವಿ ಚಾನಲ್‌ನಲ್ಲಿ ಮಾತನಾಡಿರುವ ಶ್ರೀರೆಡ್ಡಿ ಅವರ ತಾಯಿ ತನ್ನ ಮಗಳಿಗೆ ನಡೆದಿರುವುದನ್ನು ನೆನೆದು ಗೊಳೋ ಎಂದು ಅತ್ತಿರುವ ಹಿನ್ನಲೆಯಲ್ಲಿ ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಅವರು,’ ಚಿತ್ರೋದ್ಯಮಕ್ಕಾಗಿ, ಉದಯೋನ್ಮುಖ ನಟಿಯರಿಗಾಗಿ ತನ್ನ ಮಗಳು ಸಾಧಿಸಿದ್ದಕ್ಕಾಗಿ ಶ್ರೀರೆಡ್ಡಿ ತಾಯಿ ಹೆಮ್ಮೆ ಪಡಬೇಕು" ಎಂದು ಹೇಳಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
