ಮುಂಬೈ: ವಿರಾಟ್ ಕೊಹ್ಲಿಯನ್ನು ಸಚಿನ್ ತೆಂಡುಲ್ಕರ್ ಜತೆ ಹೋಲಿಸಲಾಗುತ್ತದೆ. ಆದರೆ ಬಾಲಿವುಡ್ ನಟಿ ಕರೀನಾ ಕಪೂರ್ ಗೆ ಮಾತ್ರ ಕ್ರಿಕೆಟ್ ದೇವರು ಸಚಿನ್ ಗಿಂತಲೂ ವಿರಾಟ್ ಎಂದರೆ ಇಷ್ಟವಂತೆ.
ಸಂದರ್ಶನವೊಂದರಲ್ಲಿ ಕರೀನಾಗೆ ನಿಮಗೆ ಕೊಹ್ಲಿ ಇಷ್ಟವೋ, ಸಚಿನ್ ಇಷ್ಟವೋ ಎಂದು ಕೇಳಲಾಗಿತ್ತು. ಅದಕ್ಕೆ ಉತ್ತರಿಸಿದ ಕರೀನಾ ಇವರಿಬ್ಬರಲ್ಲಿ ನಾನು ಕೊಹ್ಲಿಯನ್ನೇ ಆಯ್ಕೆ ಮಾಡುತ್ತೇನೆ. ಅವರೂ ಕೂಡಾ ಮುಂದಿನ ಸಚಿನ್ ಅಲ್ಲವೇ? ಕೊಹ್ಲಿಯಿಂದಾಗಿಯೇ ನಾವು ಇಂದು ಇಷ್ಟೊಂದು ಮ್ಯಾಚ್ ಗೆಲ್ಲುತ್ತಿದ್ದೇವೆ ಎಂದಿದ್ದಾರೆ.
ಏಕದಿನ ಶತಕಗಳ ಪೈಕಿ ಸಚಿನ್ ಗಿಂತ ನಂತರದ ಸ್ಥಾನದಲ್ಲಿರುವ 28 ವರ್ಷದ ಕೊಹ್ಲಿ, ಮುಂದೊಂದು ದಿನ ಸಚಿನ್ ರ ಎಲ್ಲಾ ದಾಖಲೆಗಳನ್ನೂ ಮೀರಿಸಿಯಾರು ಎಂದೇ ಲೆಕ್ಕಾಚಾರ ಹಾಕಲಾಗುತ್ತಿದೆ. ಇತ್ತೀಚೆಗೆ ಇನ್ನೊಬ್ಬ ಬಾಲಿವುಡ್ ನಟಿ ದಿಶಾ ಪಟಾನಿ ಕೂಡಾ ಅವಕಾಶ ಸಿಕ್ಕರೆ ನಾನು ಕೊಹ್ಲಿ ಜತೆ ಡೇಟಿಂಗ್ ಹೋಗಲು ಇಷ್ಟಪಡುತ್ತೇನೆ ಎಂದಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
