ಶ್ರೀದೇವಿ ಪುತ್ರಿ ಜಾಹ್ನವಿ ತಮ್ಮ 21ನೇ ಹುಟ್ಟುಹಬ್ಬವನ್ನು ಹೇಗೆ ಆಚರಿಸಿಕೊಂಡರು ಗೊತ್ತಾ?

ತಾಯಿ ಅಗಲಿದ ಹನ್ನೊಂದೇ ದಿನಕ್ಕೆ 21ನೇ ವರ್ಷಕ್ಕೆ ಕಾಲಿಟ್ಟ ಬಾಲಿವುಡ್‌ನ ಉದಯೋನ್ಮುಖ ನಟಿ ಜಾಹ್ನವಿ ಕಪೂರ್‌ ನೆನ್ನೆ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ.

ಅಮ್ಮನನ್ನು ಕಳೆದುಕೊಂಡಿರುವ ಆಘಾತದಲ್ಲಿರುವ ಜಾಹ್ನವಿ ಪಾಲಿಗೆ ಈ ಜನ್ಮದಿನ ಅಷ್ಟೊಂದು ಸಂತಸದಾಯಕವಾಗಿಲ್ಲ ಎಂದೇ ಹೇಳಬಹುದು. ಆದರೂ ಬದುಕಿದ್ದಾಗ ಅಮ್ಮ ಶ್ರೀದೇವಿ ಕಲಿಸಿದ ರೂಢಿಯಂತೆ ಜಾಹ್ನವಿ ಅನಾಥಾಶ್ರಮಕ್ಕೆ ತೆರಳಿ ಮಕ್ಕಳೊಂದಿಗೆ ಹುಟ್ಟು ಹಬ್ಬ ಆಚರಿಸಿಕೊಂಡಿದ್ದಾರೆ.

ತಂದೆ ಬೋನಿ ಕಪೂರ್, ಸಹೋದರಿ ಖುಷಿ, ಸೋನಂ ಕಪೂರ್, ಶನಾಯಾ ಕಪೂರ್, ಅಂಶುಲಾ ಸೇರಿದಂತೆ ಹಲವರು ಜಾಹ್ನವಿಗೆ ವಿಶ್ ಮಾಡಿದ್ದಾರೆ. ಎಲ್ಲರ ಸಮ್ಮುಖದಲ್ಲಿ ಜಾಹ್ನವಿ ಕೇಕ್ ಕಟ್ ಮಾಡುವ ಮೂಲಕ ಹುಟ್ಟುಹಬ್ಬ ಸೆಲೆಬ್ರೇಟ್ ಮಾಡಿದ್ದಾಳೆ.

ತಾಯಿಯನ್ನು ನೆನಪು ಮಾಡಿಕೊಂಡೇ ಮಂಗಳವಾರ ಜಾಹ್ನವಿ ತಮ್ಮ ಇನ್ಸ್‌ಟಾಗ್ರಾಂನಲ್ಲಿ ಪತ್ರವನ್ನು ಬರೆದು ಹಂಚಿಕೊಂಡಿದ್ದಾರೆ.