ಮುಂಬೈ: ಮೊನ್ನೆಯಷ್ಟೇ ಪ್ರಧಾನಿ ಪರಿಹಾರ ನಿಧಿಗೆ 25 ಕೋಟಿ ರೂ. ಪರಿಹಾರ ನೀಡಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದ ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಈಗ ಮತ್ತೆ 3 ಕೋಟಿ ರೂ. ದೇಣಿಗೆ ನೀಡಿದ್ದಾರೆ.
ಈ ಬಾರಿ ಅಕ್ಷಯ್ ದೇಣಿಗೆ ನೀಡಿರುವುದು ಮುಂಬೈ ಮಹಾನಗರ ಪಾಲಿಕೆಗೆ. ಈ ಪರಿಹಾರ ಹಣವನ್ನು ಮಾಸ್ಕ್ ತಯಾರಿಕೆಗೆ ಮತ್ತು ಕೊರೋನಾ ಟೆಸ್ಟ್ ಕಿಟ್ ಖರೀದಿಗೆ ಬಳಸುವುದಾಗಿ ಮುಂಬೈ ಮಹಾನಗರ ಪಾಲಿಕೆ ತಿಳಿಸಿದೆ.
ಇದಲ್ಲದೆ ಸ್ಥಳೀಯರಿಗೂ ದಿನನಿತ್ಯದ ಅಗತ್ಯ ವಸ್ತುಗಳನ್ನು ನೀಡುವುದು, ಊಟ ಒದಗಿಸುವುದು ಇತ್ಯಾದಿ ಮೂಲಕ ಅಕ್ಷಯ್ ತಮ್ಮ ಕೈಲಾದ ಸಹಾಯ ಮಾಡುತ್ತಿದ್ದಾರೆ ಎನ್ನಲಾಗಿದೆ.
