ಮುಂಬೈ : ಬಾಲಿವುಡ್ ಸ್ಟಾರ್ ನಟ ಅಮೀರ್ ಖಾನ್ ಅವರು ತಮ್ಮ ಸಮಕಾಲೀನ ಸ್ಟಾರ್ ನಟರೊಬ್ಬರ ಸಿನಿಮಾವೊಂದನ್ನು ನೋಡಿಲ್ಲ ಎಂದು ಕಾರ್ಯಕ್ರಮವೊಂದರಲ್ಲಿ ಹೇಳಿದ್ದಾರೆ.
ಹೌದು. ಹಲವಾರು ವರ್ಷಗಳಿಂದ ಮಾತುಕತೆಯನ್ನು ಬಿಟ್ಟಿದ್ದ ಅಮೀರ್ಖಾನ್ ಹಾಗೂ ಶಾರುಖ್ ಖಾನ್ ಅವರು ಇತ್ತಿಚೆಗೆ ತಮ್ಮ ಸ್ನೇಹ ಸಂಬಂಧವನ್ನು ಹಂಚಿಕೊಳ್ಳುತ್ತಿದ್ದಾರೆ. ಆದರೆ ಅಮೀರ್ ಖಾನ್ ಅವರು ಶಾರೂಖ್ ಅಭಿನಯದ 'ಸ್ವದೇಶ್' ಚಿತ್ರವನ್ನು ವೀಕ್ಷಿಸಿಲ್ಲ ಎಂದು ಇತ್ತೀಚೆಗೆ, ಪಾನಿ ಫೌಂಡೇಷನ್ ಪ್ರಚಾರಕ್ಕಾಗಿ ಪುಣೆಗೆ ಆಗಮಿಸಿದ್ದಾಗ ಹೇಳಿಕೊಂಡಿದ್ದಾರೆ.
ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಮಕ್ಕಳು ಅಮೀರ್ ಖಾನ್ ಅವರನ್ನು ಶಾರುಖ್ ಅವರ 'ಸ್ವದೇಶ್' ಸಿನಿಮಾ ನೋಡಿ ನೀವು ಸಾಮಾಜಿಕ ಕಾರ್ಯದಲ್ಲಿ ತೊಡಗಿರುವುದಾ ಎಂದು ಪ್ರಶ್ನಿಸಿದ್ದರು. ಅದಕ್ಕೆ ಉತ್ತರಿಸಿದ ಅಮೀರ್, ಇದುವರೆಗೂ ಶಾರೂಖ್ ಅಭಿನಯದ 'ಸ್ವದೇಶ್' ಚಿತ್ರ ವೀಕ್ಷಿಸಿಲ್ಲ ಎಂದು ಹೇಳಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
