ಹೈದ್ರಾಬಾದ್:ಟಾಲಿವುಡ್ ಚಿತ್ರರಂಗದ ಹಲವರು ಡ್ರಗ್ಸ್ ಮಾಫಿಯಾದಲ್ಲಿ ಸಿಲುಕಿದ್ದು, ಇದರಿಂದ ಟಾಲಿವುಡ್ ಚಿತ್ರರಂಗದ ಹೆಸರು ಹಾಳಾಗುತ್ತಿದೆ ಎಂದು ಇತ್ತೀಚೆಗೆ ನಿರ್ಮಾಪಕ ಅಲ್ಲು ಅರವಿಂದ್ ಕಾವಳ ವ್ಯಕ್ತಪಡಿಸಿದ್ದರು. ಇದರ ಬೆನ್ನಲ್ಲೇ ತೆಲಂಗಾಣ ಅಬಕಾರಿ ಮತ್ತು ತರಬೇತಿ ಇಲಾಖೆ 15 ಟಾಲಿವುಡ್ ಸೆಲೆಬ್ರಿಟಿಗಳಿಗೆ ನೋಟಿಸ್ ಜಾರಿಮಾಡಿದೆ.
ಈ ಎಲ್ಲಾ ಸೆಲೆಬ್ರೆಟಿಗಳು ವಿಶೇಷ ತನಿಖಾ ತಂಡ ಹಾಗೂ ಅಬಕಾರಿ ಇಲಾಖೆ ಮುಂದೆ ಜುಲೈ 19 ರ ಒಳಗಾಗಿ ಹಾಜರಾಗುವಂತೆ ನೋಟಿಸ್ ನಲ್ಲಿ ಸೂಚಿಸಲಾಗಿದೆ. ಡ್ರಗ್ಸ್ ಮಾಫಿಯಾ ಪ್ರಕರಣದಲ್ಲಿ ಬಂಧಿತನಾಗಿರುವ ಆರೋಪಿಯ ಮೊಬೈಲ್ ನಲ್ಲಿ ಸಿಕ್ಕ ಸುಳಿವಿನ ಆಧಾರದ ಮೇಲೆ ತೆಲುಗಿನ ಟಾಪ್ ಸೆಲೆಬ್ರೆಟಿಗಳಿಗೆ ಈ ನೋಟಿಸ್ ಕಳುಹಿಸಲಾಗಿದೆ.
ಇನ್ನು ಈ ಮಾಫಿಯಾದಲ್ಲಿ ಕೇಳಿಬರುತ್ತಿರುವ ಹೆಸರುಗಳೆಂದರೆ ಸ್ಟಾರ್ ನಟ ರವಿತೇಜಾ, ಪುರಿ ಜಗನ್ನಾಥ್, ಸುಭ್ರರಾಜು, ಸಿಂಗರ್ ಗೀತಾ ಮಾಧುರಿಯ ಪತಿ ನಂದು, ತಾನಿಶ್, ನವದೀಪ್, ಚಾರ್ಮಿ, ಮುಮೈತಾ ಖಾನ್ ಮೊದಲಾದವರ ಹೆಸರು ಕೇಳಿಬರುತ್ತಿದ್ದು, ಇವರೆಲ್ಲಾ ಭಾಗಿಯಾಗಿದ್ದಾರೋ ಇಲ್ಲವೋ ಎಂಬುದು ತನಿಖೆಯಿಂದಷ್ಟೇ ಖಚಿತಪಡಬೇಕಿದೆ.
