ಬೆಂಗಳೂರು : ಉಗುರಿಗೆ ಹಚ್ಚುವ ಬಣ್ಣ ಹಾಗೂ ಇದನ್ನು ತೆಗೆಯಲು ಬಳಸುವ ನೇಲ್ ರಿಮೂವರ್ಗಳ ಅತಿಯಾದ ಬಳಕೆಯಿಂದ ಉಗುರಿನ ಬಣ್ಣ ಹಳದಿಯಾಗುತ್ತದೆ. ಹಳದಿ ಉಗುರುಗಳಿಂದ ಸಾವಿರಾರು ಮಹಿಳೆಯರು ಚಿಂತೆಗೊಳಗಾಗಿದ್ದು ಈ ಉಗುರುಗಳನ್ನು ಇತರರಿಗೆ ತೋರಿಸಿಕೊಳ್ಳಲು ಮುಜುಗರಕ್ಕೊಳಗಾಗುತ್ತಾರೆ ಹಾಗೂ ಇದನ್ನು ಮರೆಮಾಚಲು ಉಗುರಿಗೆ ಮತ್ತೆ ನೈಲ್ ಪಾಲಿಶ್ ಹಚ್ಚುತ್ತಾರೆ. ಆದ್ದರಿಂದ ಹಳದಿ ಉಗುರುಗಳನ್ನು ಮತ್ತೆ ಬಿಳಿಯಾಗಿಸಲು ಕೆಲವಾರು ಮನೆಮದ್ದುಗಳಿದ್ದು ಇವು ಸುರಕ್ಷಿತ ಹಾಗೂ ಬಳಸಲು ಸುಲಭವೂ ಆಗಿದೆ.
ಅಡುಗೆ ಸೋಡಾ : ಅಡುಗೆ ಸೋಡಾ ಸತ್ತ ಜೀವಕೋಶಗಳನ್ನು ನಿವಾರಿಸಲು ಅತ್ಯುತ್ತಮವಾದ ರಾಸಾಯನಿಕವಾಗಿದ್ದು ಹಳದಿ ಉಗುರುಗಳ ಬಣ್ಣ ಬದಲಿಸಲೂ ಸಹಕಾರಿಯಾಗಿದೆ. ಇದಕ್ಕಾಗಿ ಎರಡು ಚಿಕ್ಕ ಚಮಚ ಅಡುಗೆ ನೋಡಾವನ್ನು ಮೂರು ಅಥವಾ ನಾಲ್ಕು ದೊಡ್ಡ ಚಮಚ ಶುದ್ಧ ನೀರಿಗೆ ಬೆರೆಸಿ ಲೇಪನ ತಯಾರಿಸಿ. ಈ ಲೇಪನವನ್ನು ಉಗುರುಗಳಿಗೆ ಹಚ್ಚಿ 10 ನಿಮಿಷ ಹಾಗೇ ಬಿಟ್ಟು ತಣ್ಣೀರಿನಿಂದ ತೊಳೆದುಕೊಳ್ಳಿ. ವಾರಕ್ಕೊಮ್ಮೆ ಈ ವಿಧಾನವನ್ನು ಅನುಸರಿಸಿದರೆ ಸಾಕು.
ಟೂಥ್ ಪೇಸ್ಟ್ : ಕೆಲವು ಹಲ್ಲುಜ್ಜುವ ಕ್ರೀಂಗಳಲ್ಲಿ ಬಿಳಿಯಾಗಿಸುವ ಗುಣವಿದೆ. ಈ ಗುಣ ಉಗುರನ್ನುಕೂಡ ಬಿಳಿಯಾಗಿಸಲೂ ಸಹಕಾರಿಯಾಗಿದೆ. ಕೊಂಚ ಟೂಥ್ ಪೇಸ್ಟ್ ಅನ್ನು ನೇರವಾಗಿ ಉಗುರುಗಳ ಮೇಲೆ ತೆಳುವಾಗಿ ಹಚ್ಚಿ ಸುಮಾರು ಹತ್ತರಿಂದ ಹದಿನೈದು ನಿಮಿಷಗಳ ಕಾಲ ಒಣಗಲು ಬಿಡಿ. ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ. ಈ ವಿಧಾನವನ್ನು ವಾರಕ್ಕೆರಡು ಬಾರಿ ಅನುಸರಿಸುವ ಮೂಲಕ ಶೀಘ್ರವೇ ಬಿಳಿಯಾದ ಉಗುರುಗಳನ್ನು ಪಡೆಯಬಹುದು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ