ಬೆಂಗಳೂರು: ಮಕ್ಕಳು ಹುಟ್ಟಿದ ತಕ್ಷಣ ತಂದೆ-ತಾಯಿ ಅವರ ಬಗ್ಗೆ ದೊಡ್ಡ ದೊಡ್ಡ ಕನಸುಗಳನ್ನು ಇಟ್ಟುಕೊಳ್ಳುತ್ತಾರೆ. ಜ್ಯೋತಿಷ್ಯದ ಪ್ರಕಾರ ಎಲ್ಲಾ ರಾಶಿಯವರಿಗೆ ವೈದ್ಯರಾಗಲು ಸಾಧ‍್ಯವಿಲ್ಲ. ಕೆಲವು ರಾಶಿಯವರಿಗೆ ವೈದ್ಯ ವೃತ್ತಿಯಲ್ಲಿ ಚಾಕಚಕ್ಯತೆ ಇರುತ್ತದೆ. ವೈದ್ಯ ವೃತ್ತಿಯಲ್ಲಿ ಯಶಸ್ಸು ಕಾಣಬಹುದಾದ ರಾಶಿ ಯಾವುದೆಲ್ಲಾ ನೋಡೋಣ.
ಕನ್ಯಾ ರಾಶಿ: ಕನ್ಯಾ ರಾಶಿಯವರು ಯಾವುದೇ ವಿಚಾರವನ್ನು ವಿಮರ್ಶಾತ್ಮಕವಾಗಿ ನೋಡುತ್ತಾರೆ. ಹೀಗಾಗಿ ವೈದ್ಯಕೀಯ ವೃತ್ತಿಯ ಎಲ್ಲಾ ಸವಾಲುಗಳನ್ನೂ ಮೆಟ್ಟಿನಿಲ್ಲುವ ಗುಣ ಇವರಲ್ಲಿರುತ್ತದೆ.
ಕರ್ಕಟಕ: ಕರ್ಕಟಕ ರಾಶಿಯವರು ಭಾವನಾತ್ಮಕರು ಹಾಗೂ ಬುದ್ಧಿವಂತರು. ಇನ್ನೊಬ್ಬರ ಸೇವೆ ಮಾಡುವ ಗುಣ ಇವರಲ್ಲಿ ನೈಸರ್ಗಿಕವಾಗಿರುತ್ತದೆ. ಹೀಗಾಗಿ ವೈದ್ಯ ವೃತ್ತಿ ಇವರಿಗೆ ಹೇಳಿ ಮಾಡಿಸಿದಂತದ್ದು.
ಮೀನ ರಾಶಿ: ಮೀನ ರಾಶಿಯವರು ಇನ್ನೊಬ್ಬರೊಂದಿಗೆ ಆತ್ಮೀಯವಾಗಿ, ಆಪ್ಯಾಯಮಾನವಾಗಿ ನಡೆದುಕೊಳ್ಳುವ ಗುಣ ಹೊಂದಿರುತ್ತಾರೆ. ವೈದ್ಯ ವೃತ್ತಿಯಲ್ಲಿರುವವರಿಗೆ ಈ ಗುಣಗಳು ಅಗತ್ಯ. ಈ ರಾಶಿಯ ವೈದ್ಯರು ತಮ್ಮ ರೋಗಿಗಳ ಅಗತ್ಯಗಳನ್ನು ಅರಿತು ಸೇವೆ ಮಾಡುತ್ತಾರೆ.
ವೃಶ್ಚಿಕ: ಯಾವುದೇ ವಿಚಾರವನ್ನು ಆಳವಾಗಿ ಅಧ್ಯಯನ ಮಾಡುವ ಇವರ ಗುಣ ವೈದ್ಯಕೀಯ ಓದಿಗೆ ಅಗತ್ಯವಾಗಿ ಬೇಕಾಗುತ್ತದೆ. ಯಾವುದೇ ಒತ್ತಡವನ್ನು ನಿಭಾಯಿಸಬಲ್ಲ ಚಾಕಚಕ್ಯತೆ ಇವರಲ್ಲಿರುತ್ತದೆ. ಹೀಗಾಗಿ ಈ ವೃತ್ತಿ ಇವರಿಗೆ ಹೇಳಿ ಮಾಡಿಸಿದಂತದ್ದು.
ಮಕರ: ಜವಾಬ್ಧಾರಿ, ಶಿಸ್ತು ಬದ್ಧತೆ ಮತ್ತು ಯಾವುದೇ ಒಂದು ವಿಚಾರದ ಬಗ್ಗೆ ಬದ್ಧರಾಗಿರುವುದು ಈ ರಾಶಿಯವರ ಗುಣ ಸ್ವಭಾವಗಳು. ಇದು ವೈದ್ಯರಿಗೆ ಬೇಕಾದ ಅಗತ್ಯ ಗುಣಗಳು. ಹೀಗಾಗಿ ಈ ರಾಶಿಯವರು ವೈದ್ಯರಾಗಿ ಯಶಸ್ಸು ಸಾಧಿಸಬಹುದು.
