ಬೆಂಗಳೂರು : ಶಿವನು ಭಕ್ತರ ಕಷ್ಟಗಳನ್ನು ಬಹಳ ಬೇಗ ಈಡೇರಿಸುತ್ತಾನೆ ಎಂಬ ನಂಬಿಕೆ ಇದೆ. ಆದ್ದರಿಂದ ಎಲ್ಲರೂ ತಮ್ಮ ಕಷ್ಟಗಳನ್ನು ನಿವಾರಿಸೆಂದು ಶಿವನ ಮೊರೆ ಹೋಗುತ್ತಾರೆ. ಶಿವನನ್ನು ಪೂಜಿಸುವಾಗ ಶಿವಲಿಂಗ ಅಥವಾ ಶಿವನ ಫೋಟೋಗೆ ಮಾತ್ರ ಪೂಜಿಸಬೇಕೆಂದಿಲ್ಲ. ಶಿವನಿಗೆ ಸಂಬಂಧಪಟ್ಟ ಈ ವಸ್ತುಗಳನ್ನು ಪೂಜಿಸಿದರೂ ಶಿವನನ್ನೇ ಪೂಜಿಸಿದಷ್ಟು ಪುಣ್ಯ ಪ್ರಾಪ್ತಿಯಾಗುತ್ತದೆಯಂತೆ.
* ಶಿವನ ತ್ರಿಶೂಲ: ಶಿವನ ಎಡಗಡೆಯ ಕೈಯಲ್ಲಿ ಫಳಗುಟ್ಟುವ ತ್ರಿಶೂಲವಿದೆ. ತ್ರಿವಿದ್ಯೆಗಳಿಗೂ ಅದು ಸಂಕೇತವಾಗಿದೆ. ದೈಹಿಕ, ಆಧ್ಯಾತ್ಮಿಕ ಮತ್ತು ಭೌತಿಕ ಪಾಪಗಳನ್ನು ನಿವಾರಿಸುವ ಸಾಧನ.
* ಶಿವನ ವಿಭೂತಿ: ಶಿವ ಯಾವಾಗಲೂ ತನ್ನ ದೇಹದ ಮೇಲೆ ವಿಭೂತಿಯನ್ನು ಧರಿಸುತ್ತಿರುವುದರಿಂದ ಇದನ್ನು ಪೂಜಿಸಿದರೆ ಶಿವನ ಕೃಪೆಗೆ ಪಾತ್ರರಾಗಬಹುದು.
*ರುದ್ರಾಕ್ಷಿ: ಇದನ್ನು ಶಿವ ತನ್ನ ಕೊರಳಿನಲ್ಲಿ ಧರಿಸುತ್ತಾನೆ. ರುದ್ರಾಕ್ಷಿ ಹಿಡುದು ಜಪ ಮಾಡಿದರೆ ಆಥವಾ ಅದನ್ನು ಕೊರಳಿನಲ್ಲಿ ಧರಿಸಿದರೆ ಶಿವ ಅನುಗ್ರಹ ನಿಮಗೆ ದೊರೆಯುತ್ತದೆ.
* ಬಿಲ್ವ ಪತ್ರೆ : ಇದು ಶಿವನ ಅತ್ಯಂತ ಪ್ರಿಯ ವಸ್ತು. ಈ ಬಿಲ್ವ ಪತ್ರೆಯನ್ನು ಪೂಜಿಸಿದರೆ ಶಿವನನ್ನೇ ಪೂಜಿಸಿದಷ್ಟು ಪುಣ್ಯ ಪ್ರಾಪ್ತಿಯಾಗುತ್ತದೆಯಂತೆ.
* ನಂದಿ: ಶಿವನ ಎದುರು ನಂದಿ ಸದಾ ಕಾವಲು ಕಾಯುತ್ತಾ ಇರುತ್ತಾನೆ. ನಂದಿ ಇಲ್ಲದ ಶಿವನ ದೇವಾಲಯಗಳು ಇಲ್ಲ ಎಂದು ಹೇಳಬಹುದು. ನಂದಿ ಶಿವನ ಪ್ರೀತಿಯ ಭಕ್ತನಾದ್ದರಿಂದ ನಂದಿಯನ್ನು ಪೂಜಿಸಿದರೆ ಶಿವನ ಶ್ರೀರಕ್ಷೆ ನಮಗೆ ದೊರೆತಂತೆ.
*ನಾಗರ ಹಾವು: ಶಿವನ ಕೊರಳ ಆಭರಣವಾದ ನಾಗರಹಾವನ್ನು ಪೂಜಿಸಿದರೂ ಕೂಡ ಶಿವನ ಅನುಗ್ರಹ ದೊರೆಯುತ್ತದೆ.
