ವಿದ್ಯಾರ್ಥಿಗಳು ಓದಲೇಬೇಕಾದ ಸರಸ್ವತಿ ಸ್ತೋತ್ರ

ಬುಧವಾರ ವಿದ್ಯಾದೇವತೆಗಳಾದ ಗಣೇಶ-ಸರಸ್ವತಿ ಸ್ತೋತರಗಳನ್ನು ಓದುವುದರಿಂದ ವಿದ್ಯಾಭ್ಯಾಸದ ತೊಡಕುಗಳಿಗೆ ಪರಿಹಾರ ಸಿಗುತ್ತದೆ. ಇಂದು ವಿದ್ಯಾರ್ಥಿಗಳು ತಪ್ಪದೇ ನೀಲಸರಸ್ವತಿ ಸ್ತೋತ್ರವನ್ನು ಓದಿ.

ಘೋರರೂಪೇ ಮಹಾರಾವೇ ಸರ್ವಶತ್ರುಭಯಂಕರಿ ।
ಭಕ್ತೇಭ್ಯೋ ವರದೇ ದೇವಿ ತ್ರಾಹಿ ಮಾಂ ಶರಣಾಗತಮ್ ॥ 1 ॥

ಸುರಾಽಸುರಾರ್ಚಿತೇ ದೇವಿ ಸಿದ್ಧಗಂಧರ್ವಸೇವಿತೇ ।
ಜಾಡ್ಯಪಾಪಹರೇ ದೇವಿ ತ್ರಾಹಿ ಮಾಂ ಶರಣಾಗತಮ್ ॥ 2 ॥

ಜಟಾಜೂಟಸಮಾಯುಕ್ತೇ ಲೋಲಜಿಹ್ವಾಂತಕಾರಿಣೀ ।
ದ್ರುತಬುದ್ಧಿಕರೇ ದೇವಿ ತ್ರಾಹಿ ಮಾಂ ಶರಣಾಗತಮ್ ॥ 3 ॥

ಸೌಮ್ಯಕ್ರೋಧಧರೇ ರೂಪೇ ಚಂಡರೂಪೇ ನಮೋಽಸ್ತು ತೇ ।
ಸೃಷ್ಟಿರೂಪೇ ನಮಸ್ತುಭ್ಯಂ ತ್ರಾಹಿ ಮಾಂ ಶರಣಾಗತಮ್ ॥ 4 ॥

ಜಡಾನಾಂ ಜಡತಾಂ ಹಂತಿ ಭಕ್ತಾನಾಂ ಭಕ್ತವತ್ಸಲಾ ।
ಮೂಢತಾಂ ಹರ ಮೇ ದೇವಿ ತ್ರಾಹಿ ಮಾಂ ಶರಣಾಗತಮ್ ॥ 5 ॥

ಹ್ರೂಂ ಹ್ರೂಂಕರಮಯೇ ದೇವಿ ಬಲಿಹೋಮಪ್ರಿಯೇ ನಮಃ ।
ಉಗ್ರತಾರೇ ನಮೋ ನಿತ್ಯಂ ತ್ರಾಹಿ ಮಾಂ ಶರಣಾಗತಮ್ ॥ 6 ॥

ಬುದ್ಧಿಂ ದೇಹಿ ಯಶೋ ದೇಹಿ ಕವಿತ್ವಂ ದೇಹಿ ದೇವಿ ಮೇ ।
ಮೂಢತ್ವಂ ಚ ಹರೇರ್ದೇವಿ ತ್ರಾಹಿ ಮಾಂ ಶರಣಾಗತಮ್ ॥ 7 ॥

ಇಂದ್ರಾದಿವಿಲಸದ್ವಂದ್ವವಂದಿತೇ ಕರುಣಾಮಯಿ ।
ತಾರೇ ತಾರಧಿನಾಥಾಸ್ಯೇ ತ್ರಾಹಿ ಮಾಂ ಶರಣಾಗತಮ್ ॥ 8 ॥

ಅಷ್ಟಮ್ಯಾಂ ಚ ಚತುರ್ದಶ್ಯಾಂ ನವಮ್ಯಾಂ ಯಃ ಪಠೇನ್ನರಃ ।
ಷಣ್ಮಾಸೈಃ ಸಿದ್ಧಿಮಾಪ್ನೋತಿ ನಾಽತ್ರ ಕಾರ್ಯಾ ವಿಚಾರಣಾ ॥ 9 ॥

ಮೋಕ್ಷಾರ್ಥೀ ಲಭತೇ ಮೋಕ್ಷಂ ಧನಾರ್ಥೀ ಲಭತೇ ಧನಮ್ ।
ವಿದ್ಯಾರ್ಥೀ ಲಭತೇ ವಿದ್ಯಾಂ ತರ್ಕವ್ಯಾಕರಣಾದಿಕಮ್ ॥ 10 ॥

ಇದಂ ಸ್ತೋತ್ರಂ ಪಠೇದ್ಯಸ್ತು ಸತತಂ ಶ್ರದ್ಧಯಾನ್ವಿತಃ ।
ತಸ್ಯ ಶತ್ರುಃ ಕ್ಷಯಂ ಯಾತಿ ಮಹಾಪ್ರಜ್ಞಾ ಪ್ರಜಾಯತೇ ॥ 11 ॥

ಪೀಡಾಯಾಂ ವಾಪಿ ಸಂಗ್ರಾಮೇ ಜಾಡ್ಯೇ ದಾನೇ ತಥಾ ಭಯೇ ।
ಯ ಇದಂ ಪಠತಿ ಸ್ತೋತ್ರಂ ಶುಭಂ ತಸ್ಯ ನ ಸಂಶಯಃ ॥ 12 ॥

ಇತಿ ಪ್ರಣಮ್ಯ ಸ್ತುತ್ವಾ ಚ ಯೋನಿಮುದ್ರಾಂ ಪ್ರದರ್ಶಯೇತ್ ॥

ಇತಿ ಶ್ರೀ ನೀಲಸರಸ್ವತೀ ಸ್ತೋತ್ರಮ್ ॥