Publish Date: Wed, 18 Nov 2026 (09:04 IST)
Updated Date: Wed, 18 Nov 2026 (09:07 IST)
ಸಾಲದ ಬಾಧೆ, ಆರ್ಥಿಕ ಮುಗ್ಗಟ್ಟು ಮತ್ತು ತೀವ್ರ ಬಡತನದಿಂದ ಬಳಲುತ್ತಿರುವವರಿಗೆ ವಿಘ್ನಹರ್ತ ಶ್ರೀ ಗಣೇಶನನ್ನು ಒಲಿಸಿಕೊಳ್ಳಲು ಋಣಹರ್ತೃ ಗಣೇಶ ಸ್ತೋತ್ರಮ್ಅತ್ಯಂತ ಶಕ್ತಿಶಾಲಿ ಮತ್ತು ದೈವಿಕ ಸ್ತೋತ್ರವೆಂದು ನಂಬಲಾಗಿದೆ.
ಸೃಷ್ಟ್ಯಾದೌ ಬ್ರಹ್ಮಣಾ ಸಮ್ಯಕ್ಪೂಜಿತಃ ಫಲಸಿದ್ಧಯೇ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೧ ||
ತ್ರಿಪುರಸ್ಯ ವಧಾತ್ಪೂರ್ವಂ ಶಂಭುನಾ ಸಮ್ಯಗರ್ಚಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೨ ||
ಹಿರಣ್ಯಕಶಿಪ್ವಾದೀನಾಂ ವಧಾರ್ಥೇ ವಿಷ್ಣುನಾರ್ಚಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೩ ||
ಮಹಿಷಸ್ಯ ವಧೇ ದೇವ್ಯಾ ಗಣನಾಥಃ ಪ್ರಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೪ ||
ತಾರಕಸ್ಯ ವಧಾತ್ಪೂರ್ವಂ ಕುಮಾರೇಣ ಪ್ರಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೫ ||
ಭಾಸ್ಕರೇಣ ಗಣೇಶೋ ಹಿ ಪೂಜಿತಶ್ಛವಿಸಿದ್ಧಯೇ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೬ ||
ಶಶಿನಾ ಕಾಂತಿವೃದ್ಧ್ಯರ್ಥಂ ಪೂಜಿತೋ ಗಣನಾಯಕಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೭ ||
ಪಾಲನಾಯ ಸ್ವತಪಸಾಂ ವಿಶ್ವಾಮಿತ್ರೇಣ ಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೮ ||
ಇದಂ ಋಣಹರಸ್ತೋತ್ರಂ ತೀವ್ರದಾರಿದ್ರ್ಯನಾಶನಮ್ |
ಏಕವಾರಂ ಪಠೇನ್ನಿತ್ಯಂ ವರ್ಷಮೇಕಂ ಸಮಾಹಿತಃ || ೯ ||
ದಾರಿದ್ರ್ಯಾದ್ದಾರುಣಾನ್ಮುಕ್ತಃ ಕುಬೇರಸಂಪದಂ ವ್ರಜೇತ್ |
ಫಡಂತೋಽಯಂ ಮಹಾಮಂತ್ರಃ ಸಾರ್ಥಪಂಚದಶಾಕ್ಷರಃ || ೧೦ ||
ಓಂ ಗಣೇಶ ಋಣಂ ಛಿಂದಿ ವರೇಣ್ಯಂ ಹುಂ ನಮಃ ಫಟ್ |
ಇಮಂ ಮಂತ್ರಂ ಪಠೇದಂತೇ ತತಶ್ಚ ಶುಚಿಭಾವನಃ || ೧೧ ||
ಏಕವಿಂಶತಿಸಂಖ್ಯಾಭಿಃ ಪುರಶ್ಚರಣಮೀರಿತಮ್ |
ಸಹಸ್ರಾವರ್ತನಾತ್ಸಮ್ಯಕ್ ಷಣ್ಮಾಸಂ ಪ್ರಿಯತಾಂ ವ್ರಜೇತ್ || ೧೨ ||
ಬೃಹಸ್ಪತಿಸಮೋ ಜ್ಞಾನೇ ಧನೇ ಧನಪತಿರ್ಭವೇತ್ |
ಅಸ್ಯೈವಾಯುತಸಂಖ್ಯಾಭಿಃ ಪುರಶ್ಚರಣಮೀರಿತಮ್ || ೧೩ ||
ಲಕ್ಷಮಾವರ್ತನಾತ್ಸಮ್ಯಗ್ವಾಂಛಿತಂ ಫಲಮಾಪ್ನುಯಾತ್ |
ಭೂತಪ್ರೇತಪಿಶಾಚಾನಾಂ ನಾಶನಂ ಸ್ಮೃತಿಮಾತ್ರತಃ || ೧೪ ||
|| ಅಥ ಪ್ರಯೋಗಃ ||
ಅಸ್ಯ ಶ್ರೀ ಋಣಹರ್ತೃಗಣಪತಿಸ್ತೋತ್ರ ಮಹಾಮಂತ್ರಸ್ಯ | ಸದಾಶಿವ ಋಷಿಃ | ಅನುಷ್ಟುಪ್ ಛಂದಃ | ಶ್ರೀಋಣಹರ್ತೃಗಣಪತಿರ್ದೇವತಾ | ಗ್ಲೌಂ ಬೀಜಂ | ಗಃ ಶಕ್ತಿಃ | ಗಂ ಕೀಲಕಂ | ಮಮ ಸಕಲ ಋಣನಾಶನೇ ಜಪೇ ವಿನಿಯೋಗಃ |
ಕರನ್ಯಾಸಃ |
ಓಂ ಗಣೇಶ ಅಂಗುಷ್ಠಾಭ್ಯಾಂ ನಮಃ |
ಓಂ ಋಣಂ ಛಿಂದಿ ತರ್ಜನೀಭ್ಯಾಂ ನಮಃ |
ಓಂ ವರೇಣ್ಯಂ ಮಧ್ಯಮಾಭ್ಯಾಂ ನಮಃ |
ಓಂ ಹುಂ ಅನಾಮಿಕಾಭ್ಯಾಂ ನಮಃ |
ಓಂ ನಮಃ ಕನಿಷ್ಠಿಕಾಭ್ಯಾಂ ನಮಃ |
ಓಂ ಫಟ್ ಕರತಲಕರಪೃಷ್ಠಾಭ್ಯಾಂ ನಮಃ |
ಷಡಂಗನ್ಯಾಸಃ |
ಓಂ ಗಣೇಶ ಹೃದಯಾಯ ನಮಃ |
ಓಂ ಋಣಂ ಛಿಂದಿ ಶಿರಸೇ ಸ್ವಾಹಾ |
ಓಂ ವರೇಣ್ಯಂ ಶಿಖಾಯೈ ವಷಟ್ |
ಓಂ ಹುಂ ಕವಚಾಯ ಹುಮ್ |
ಓಂ ನಮಃ ನೇತ್ರತ್ರಯಾಯ ವೌಷಟ್ |
ಓಂ ಫಟ್ ಅಸ್ತ್ರಾಯ ಫಟ್ |
ಧ್ಯಾನಂ –
ಸಿಂದೂರವರ್ಣಂ ದ್ವಿಭುಜಂ ಗಣೇಶಂ
ಲಂಬೋದರಂ ಪದ್ಮದಳೇ ನಿವಿಷ್ಟಮ್ |
ಬ್ರಹ್ಮಾದಿದೇವೈಃ ಪರಿಸೇವ್ಯಮಾನಂ
ಸಿದ್ಧೈರ್ಯುತಂ ತಂ ಪ್ರಣಮಾಮಿ ದೇವಮ್ ||
ಲಮಿತ್ಯಾದಿ ಪಂಚಪೂಜಾ ||
|| ಮಂತ್ರಃ ||
ಓಂ ಗಣೇಶ ಋಣಂ ಛಿಂದಿ ವರೇಣ್ಯಂ ಹುಂ ನಮಃ ಫಟ್ |
ಇತಿ ಶ್ರೀಕೃಷ್ಣಯಾಮಲತಂತ್ರೇ ಉಮಾಮಹೇಶ್ವರಸಂವಾದೇ ಋಣಹರ್ತೃ ಗಣೇಶ ಸ್ತೋತ್ರಮ್ |
About Writer
ಕೃಷ್ಣವೇಣಿ ಕೆ
Completed bachelor degree in Journalism and communication in SDMC Ujire. 15 years of experience as journalist. Worked as sub editor and reporter. Specialties in sports, politics and entertainment.....
ಮತ್ತಷ್ಟು ಓದಿ