ನವದೆಹಲಿ: ದೂರದರ್ಶನ ವಾಹಿನಿಯಲ್ಲಿ ಮರುಪ್ರಸಾರವಾಗಿದ್ದ ರಾಮಾಯಣ ಧಾರವಾಹಿ ಜನರ ಮೇಲೆ ಎಷ್ಟು ಪ್ರಭಾವ ಬೀರಿದೆ ಎಂದರೆ ವೀಕ್ಷಣೆಯಲ್ಲಿ ದಾಖಲೆಯನ್ನೇ ಮಾಡಿತ್ತು. ಧಾರವಾಹಿಯ ಮರುಪ್ರಸಾರದ ಬಳಿಕ ತಮ್ಮ ಕತೆ ಏನಾಗಿದೆ ಎಂದು ಲಕ್ಷ್ಮಣ ಪಾತ್ರಧಾರಿ ಸುನಿಲ್ ಲಹರಿ ಬಹಿರಂಗಪಡಿಸಿದ್ದಾರೆ.
ಈಗೆಲ್ಲಾ ಸುನಿಲ್ ಶಾಪಿಂಗ್ ಗೆ ಎಂದು ಹೊರಗೆ ಬಂದರೆ ಅವರನ್ನು ಲಕ್ಷ್ಮಣ ಎಂದೇ ಗುರುತಿಸುವ ಜನ ಕಾಲಿಗೆ ನಮಸ್ಕರಿಸಲು ಮುಗಿಬೀಳುತ್ತಿದ್ದಾರಂತೆ. ಹೀಗಂತ ಅವರೇ ಹೇಳಿಕೊಂಡಿದ್ದಾರೆ.
ಅಂದು ನನಗೆ ಈ ಧಾರವಾಹಿಯಲ್ಲಿ ನಟಿಸಿದ್ದರಿಂದ ಸಾಕಷ್ಟು ಸಿನಿಮಾ ಅವಕಾಶಗಳು ಕೈತಪ್ಪಿ ಹೋಯಿತೆಂದು ಬೇಸರವಿತ್ತು. ಆದರೆ ಇಂದು ಧಾರವಾಹಿ ಮರುಪ್ರಸಾರವಾದ ಬಳಿಕ ಜನರು ನನ್ನನ್ನು ನೋಡುವ ದೃಷ್ಟಿಕೋನವೇ ಬದಲಾಗಿದೆ. ನಾನೇ ನಿಜವಾಗಿಯೂ ಲಕ್ಷ್ಮಣನೇನೋ ಎಂಬಂತೆ ಕಾಲಿಗೆ ಬಿದ್ದು ಅಭಿಮಾನ ಮೆರೆಯುತ್ತಾರೆ. ಈ ಪ್ರೀತಿಗೆ ಏನು ಹೇಳಲಿ ಎಂದೇ ಗೊತ್ತಾಗುತ್ತಿಲ್ಲ ಎಂದು ಸುನಿಲ್ ಹೇಳಿಕೊಂಡಿದ್ದಾರೆ.
