ಬೆಂಗಳೂರು: ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ಸರಿಗಮಪ ರಿಯಾಲಿಟಿ ಶೋ ಇದುವರೆಗೆ 19 ಯಶಸ್ವೀ ಸೀಸನ್ ಗಳನ್ನು ಮುಗಿಸಿದ್ದು, ಇದೀಗ ಹೊಸ ಸೀಸನ್ ಶುರು ಮಾಡುವ ಹೊಸ್ತಿಲಲ್ಲಿದೆ.
ಈ ಬಾರಿ ಸರಿಗಮಪ ಶೋನಲ್ಲಿ ವಾಹಿನಿ ಇದುವರೆಗೆ ಯಾರೂ ಮಾಡಿರದ ಪ್ರಯತ್ನಕ್ಕೆ ಮುಂದಾಗಿದೆ. ಇದುವರೆಗೆ ಈ ಶೋಗೆ ಕರ್ನಾಟಕದಲ್ಲಿ ಮಾತ್ರ ಆಡಿಷನ್ ನಡೆಸಲಾಗುತ್ತಿತ್ತು.
ಆದರೆ ಇನ್ನು ಮುಂದಿನ ಶೋಗೆ ವಿಶ್ವದಾದ್ಯಂತ ಇರುವ ಪ್ರತಿಭೆಗಳನ್ನು ಕರೆತರುವ ನಿಟ್ಟಿನಲ್ಲಿ ವಿಶ್ವಮಟ್ಟದಲ್ಲಿ ಆಡಿಷನ್ ನಡೆಸಲಾಗುತ್ತದೆ. ಹೀಗಾಗಿ ಇನ್ನು ಮುಂದೆ ವಿದೇಶಗಳಲ್ಲೂ ಸರಿಗಮಪ ಶೋಗೆ ಆಡಿಷನ್ ಪ್ರಕ್ರಿಯೆ ನಡೆಯಲಿದೆ.
