ಬೆಂಗಳೂರು: ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಪುಟ್ಟಕ್ಕನ ಮಕ್ಕಳು ಧಾರವಾಹಿಯಲ್ಲಿ ಈಗ ನಾಯಕಿ ಸ್ನೇಹ ಪಾತ್ರ ಅಂತ್ಯವಾಗುತ್ತಿದೆ. ಅಷ್ಟಕ್ಕೂ ಸ್ನೇಹ ಪಾತ್ರ ಮಾಡುತ್ತಿರುವ ಸಂಜನಾ ಸೀರಿಯಲ್ ಬಿಡ್ತಿರೋದು ಯಾಕೆ ಎಂಬ ಪ್ರಶ್ನೆ ವೀಕ್ಷಕರಲ್ಲಿದೆ.
ಡಿಸಿ ಆಗಿರುವ ಸ್ನೇಹ ತನ್ನ ಅತ್ತೆ ಬಂಗಾರಮ್ಮನನ್ನು ದುಷ್ಟರ ಕೈಯಿಂದ ಕಾಪಾಡಿಕೊಂಡು ಮನೆಗೆ ಕಾರಿನಲ್ಲಿ ಬರುವಾಗ ಆಕ್ಸಿಡೆಂಟ್ ಆಗುತ್ತದೆ. ಈ ಅಪಘಾತದಲ್ಲಿ ಸ್ನೇಹ ಹಾಗೂ ಬಂಗಾರಮ್ಮ ಇಬ್ಬರೂ ಗಂಭೀರ ಗಾಯಗೊಳ್ಳುತ್ತಾರೆ. ಆ ಪೈಕಿ ಸ್ನೇಹ ಸಾವನ್ನಪ್ಪಿರುವುದಾಗಿ ವೈದ್ಯರು ಘೋಷಿಸುತ್ತಾರೆ.
ಸ್ನೇಹ ಕ್ಯಾರೆಕ್ಟರ್ ಈ ರೀತಿ ಕೊನೆಯಾಗುತ್ತಿದೆ ಎಂದು ತಿಳಿದು ವೀಕ್ಷಕರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಈ ಸೀರಿಯಲ್ ನನ್ನು ನೋಡುತ್ತಿದ್ದುದೇ ಸ್ನೇಹ-ಕಂಠಿ ಜೋಡಿಗೋಸ್ಕರ. ಆದರೆ ಈಗ ಸ್ನೇಹಳನ್ನು ಸಾಯಿಸಿ, ಕಂಠಿಯನ್ನು ಒಂಟಿ ಮಾಡುವುದನ್ನು ನಾವು ಸಹಿಸಲು ಸಾಧ್ಯವೇ ಇಲ್ಲ. ನಾವು ಸೀರಿಯಲ್ ನೋಡಲ್ಲ ಎನ್ನುತ್ತಿದ್ದಾರೆ ವೀಕ್ಷಕರು.
ಇದರ ನಡುವೆ ಈಗ ಸೋಷಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಸ್ನೇಹ ಪಾತ್ರ ಮಾಡುತ್ತಿರುವ ನಟಿ ಸಂಜನಾ ಬುರ್ಲಿಗೆ ನೀವು ಸೀರಿಯಲ್ ಬಿಡುತ್ತಿದ್ದೀರಾ, ಯಾಕೆ ಬಿಟ್ಟಿರಿ ಎಂದು ಪ್ರಶ್ನೆ ಮಾಡಿದ್ದಾರೆ. ಇವರಿಗೆ ಸ್ನೇಹ ಸದ್ಯದಲ್ಲೇ ಲೈವ್ ಬಂದು ಎಲ್ಲಾ ಹೇಳ್ತೀನಿ ಎಂದಿದ್ದಾರೆ. ಹೀಗಾಗಿ ಸಂಜನಾ ಸೀರಿಯಲ್ ಬಿಡ್ತಿದ್ದಾರಾ, ಯಾಕೆ ಬಿಟ್ಟಿದ್ದಾರೆ ಎಂಬ ಪ್ರಶ್ನೆಗೆ ಉತ್ತರ ಸಿಗುವ ನಿರೀಕ್ಷೆಯಲ್ಲಿ ಪ್ರೇಕ್ಷಕರಿದ್ದಾರೆ.
