ಬೆಂಗಳೂರು: ಕನ್ನಡ ಧಾರವಾಹಿ ಲೋಕದಲ್ಲಿ ಹೊಸ ಸಂಚಲನ ಮೂಡಿಸಿದ್ದ ಜೊತೆ ಜೊತೆಯಲಿ ಧಾರವಾಹಿಯ ನಾಯಕ ಆರ್ಯವರ್ಧನ್ ಲಂಡನ್ ಗೆ ತೆರಳುವ ಸನ್ನಿವೇಶ ನಡೆಯುತ್ತಿದೆ.
ನಾಯಕಿ ಅನು ಸಿರಿಮನೆಯನ್ನು ಬಿಟ್ಟು ಲಂಡನ್ ಗೆ ಹೊರಟಿರುವ ಆರ್ಯವರ್ಧನ್ ಒಂದೆರಡು ಬಹುಶಃ ಎಪಿಸೋಡ್ ಗಳಲ್ಲಿ ಕಾಣಿಸಿಕೊಳ್ಳಲ್ಲ. ಆದರೆ ಲಂಡನ್ ಗೆ ಹೊರಟೆನೆಂದು ಮಾಯವಾಗಿರುವ ಆರ್ಯವರ್ಧನ್ ಅಲಿಯಾಸ್ ನಟ ಅನಿರುದ್ಧ್ ಹೋಗಿದ್ದೆಲ್ಲಿಗೆ ಗೊತ್ತಾ?
ನಟ ಅನಿರುದ್ಧ್ ಬಿಡುವಿಲ್ಲದ ಚಿತ್ರೀಕರಣದ ನಡುವೆ ತಮಗೆ ಸಿಕ್ಕ ಸಣ್ಣ ವಿರಾಮವನ್ನು ಚೆನ್ನಾಗಿಯೇ ಬಳಸಿಕೊಂಡು ಪತ್ನಿ ಕೀರ್ತಿ ವರ್ಧನ್ ಜತೆಗೆ ಧರ್ಮಸ್ಥಳ ಮಂಜುನಾಥಸ್ವಾಮಿ ದರ್ಶನ ಮಾಡಿದ್ದಾರೆ. ಹಿಂದಿನಿಂದಲೂ ಧರ್ಮಸ್ಥಳಕ್ಕೆ ಆಗಾಗ ಭೇಟಿ ನೀಡುತ್ತಲೇ ಇದ್ದ ಅನಿರುದ್ಧ್ ಈಗ ಧಾರವಾಹಿಯಿಂದಾಗಿ ತಮಗೆ ಸಿಕ್ಕ ಯಶಸ್ಸಿಗೆ ದೇವರಿಗೆ ಪೂಜೆ ಸಲ್ಲಿಸಲು ತೆರಳಿದ್ದಾರೆ.
