ಬೆಂಗಳೂರು: ಡಬ್ಬಿಂಗ್ ಧಾರವಾಹಿಗಳ ಬಗ್ಗೆ ಒಂದೆಡೆ ವಿರೋಧವಿದ್ದರೂ ಇನ್ನೊಂದೆಡೆ ಕೆಲವು ಪೌರಾಣಿಕ ಧಾರವಾಹಿಗಳಿಗೆ ವೀಕ್ಷಕರ ಪ್ರತಿಕ್ರಿಯೆ ಉತ್ತಮವಾಗಿದೆ. ಇದೀಗ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಓಂ ನಮಃ ಶಿವಾಯ ಧಾರವಾಹಿ ಕತೆಯೂ ಅದೇ ಆಗಿದೆ.
ಈ ಧಾರವಾಹಿಯನ್ನು ಕೆಲವೇ ದಿನಗಳಲ್ಲಿ ಟಿಆರ್ ಪಿ ಕೊರತೆಯಿಂದಾಗಿ ಮುಕ್ತಾಯಗೊಳಿಸಲಾಗುತ್ತಿದೆ ಎಂಬ ಸುದ್ದಿ ಓಡಾಡುತ್ತಿತ್ತು. ಈ ಮೂಲಕ ವೀಕ್ಷಕರ ಕೊರತೆಯಿಂದ ಪ್ರಸಾರ ನಿಲ್ಲಿಸುತ್ತಿರುವ ಮೊದಲ ಡಬ್ಬಿಂಗ್ ಧಾರವಾಹಿ ಎಂಬ ದಾಖಲೆ ಮಾಡಿತ್ತು.
ಆದರೆ ಪ್ರಸಾರ ನಿಲ್ಲಿಸುತ್ತಿದೆ ಎಂಬ ಸುದ್ದಿ ಬಂದ ಬೆನ್ನಲ್ಲೇ ವೀಕ್ಷಕರು ಸಾಮಾಜಿಕ ಜಾಲತಾಣಗಳ ಮೂಲಕ ಪ್ರಸಾರ ಮುಂದುವರಿಸುವಂತೆ ಕೋರಿದ್ದಾರೆ. ಹೀಗಾಗಿ ವೀಕ್ಷಕರ ಒತ್ತಾಯದ ಮೇರೆಗೆ ಧಾರವಾಹಿಯನ್ನು ಪುನರ್ ಪ್ರಸಾರಗೊಳಿಸಲು ಸುವರ್ಣ ವಾಹಿನಿ ತೀರ್ಮಾನಿಸಿದೆ.
