ಮಗುವಾದ ಬಳಿಕ ಟೆನಿಸ್ ಆಡುವುದನ್ನೇ ಬಿಡ್ತಾರಾ ಸಾನಿಯಾ ಮಿರ್ಜಾ?

ಹೈದರಾಬಾದ್: ಪಾಕಿಸ್ತಾನ ಕ್ರಿಕೆಟಿಗ ಶೊಯೇಬ್ ಮಲಿಕ್ ರನ್ನು ವಿವಾಹವಾಗಿರುವ ಭಾರತದ ಖ್ಯಾತ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಇದೀಗ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ.

ಹಾಗಿದ್ದರೆ ಮಗುವಾದ ಮೇಲೆ ಸಾನಿಯಾ ಟೆನಿಸ್ ಆಡುವುದನ್ನೇ ಬಿಡ್ತಾರಾ? ಅದಕ್ಕೆ ಸ್ವತಃ ಸಾನಿಯಾ ಟ್ವಿಟರ್ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.

ಪತ್ರಕರ್ತ ರಾಜ್ ದೀಪ್ ಸರ್ದೇಸಾಯಿ ಮಾಡಿದ ಟ್ವೀಟ್ ಒಂದಕ್ಕೆ ಪ್ರತಿಕ್ರಿಯೆಯಾಗಿ ಸಾನಿಯಾ ಈ ಸ್ಪಷ್ಟನೆ ಕೊಟ್ಟಿದ್ದಾರೆ. ‘ಕಂಗ್ರಾಜ್ಯುಲೇಷನ್ಸ್. ಕೊನೆಗೂ ಜೀವನದಲ್ಲಿ ಸೆಟ್ಲ್ ಆಗಲು ತೀರ್ಮಾನಿಸಿದ್ದಕ್ಕೆ ಅಭಿನಂದನೆಗಳು’ ಎಂದು ರಾಜ್ ದೀಪ್ ತಮಾಷೆ ಮಾಡಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಿದ ಸಾನಿಯಾ ‘ಧನ್ಯವಾದಗಳು ರಾಜ್ ದೀಪ್. ಶಾಶ್ವತವಾಗಿ ಸೆಟ್ಲ್ ಆಗುತ್ತಿಲ್ಲ. ಸದ್ಯಕ್ಕೆ ವಿಶ್ರಾಂತಿಯಲ್ಲಿರುತ್ತೇನಷ್ಟೆ’ ಎಂದು ತಮಾಷೆಯಾಗಿಯೇ ಪ್ರತಿಕ್ರಿಯಿಸಿದ್ದಾರೆ. ಈ ಮೂಲಕ ಮಗುವಾದ ಮೇಲೆ ಟೆನಿಸ್ ಗೆ ಗುಡ್ ಬೈ ಹೇಳುವ ಇರಾದೆಯಿಲ್ಲವೆಂದು ಸ್ಪಷ್ಟಪಡಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.