ತೆರಿಗೆ ಪಾವತಿಸಿಲ್ಲ ಎನ್ನುವುದನ್ನೇ ದೊಡ್ಡ ವಿಷಯ ಮಾಡಲೇನಿದೆ? ಸಾನಿಯಾ ಮಿರ್ಜಾ ಪ್ರಶ್ನೆ

ನವದೆಹಲಿ: ತೆರಿಗೆ ಪಾವತಿಸಿಲ್ಲ ಎನ್ನುವುದನ್ನೇ ದೊಡ್ಡ ವಿಷಯ ಮಾಡಿ ನನ್ನ ಟೀಕೆ ಮಾಡುವುದರಲ್ಲೇ ಕಾಲ ಕಳೆಯುತ್ತೀರೇಕೆ? ನಿಮಗೆ ನನ್ನ ಬಗ್ಗೆ ಬರೆಯಲು ಬೇರೆ ವಿಷಯಗಳಿಲ್ಲವೇ? ನನ್ನ ಆಟದ ಬಗ್ಗೆ ಬರೆಯಿರಿ.. ಹೀಗೆಂದು ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಮಾಧ್ಯಮಗಳನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ತೆರಿಗೆ ಪಾವತಿಸದ ವಿಚಾರದಲ್ಲಿ ಸಾನಿಯಾ ಮಿರ್ಜಾಗೆ ಆದಾಯ ತೆರಿಗೆ ಇಲಾಖೆ ವಿಚಾರಣೆಗೆ ಹಾಜರಾಗುವಂತೆ ನೋಟೀಸು ನೀಡಿತ್ತು. ಅಲ್ಲದೆ ಈ ಬಗ್ಗೆ ವಿಚಾರಣೆಗೆ ಸಾನಿಯಾ ಖುದ್ದು ತಾವು ಹಾಜರಾಗದೆ ಪ್ರತಿನಿಧಿಯನ್ನು ಕಳುಹಿಸಿದ್ದರು. ಈ ವಿಚಾರ ಮಾಧ್ಯಮಗಳಲ್ಲಿ ಸುದ್ದಿಯಾಗಿತ್ತು. ಇದು ಟೆನಿಸ್ ತಾರೆಯನ್ನು ಕೆರಳಿಸಿದೆ.

ತಾನು ಈಗ ಆಡುತ್ತಿರುವ ಕತಾರ್ ಓಪನ್ ಟೂರ್ನಿಯಲ್ಲಿ ಸೆಮಿಫೈನಲ್ ಗೇರಿದ ವಿಷಯ ನಿಮಗೆ ಸುದ್ದಿಯೆನಿಸಲೇ ಇಲ್ಲ. ನನ್ನ ಬಗ್ಗೆ ನೆಗೆಟಿವ್ ಸುದ್ದಿಗಳನ್ನೇ ಹೈಲೈಟ್ ಮಾಡಿದಿರಿ ಎಂದು ಸಾನಿಯಾ ಮಾಧ್ಯಮಗಳನ್ನು ದೂರಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ