ಹೈದರಾಬಾದ್: ಭಾರತದ ಖ್ಯಾತ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಗರ್ಭಿಣಿಯಂತೆ. ಹೀಗೊಂದು ಸುಳಿವನ್ನು ದಂಪತಿ ಇದೀಗ ಟ್ವಿಟರ್ ಮೂಲಕ ನೀಡಿದ್ದು, ಲಕ್ಷಾಂತರ ಮಂದಿ ಅಭಿನಂದನೆ ಸಲ್ಲಿಸುತ್ತಿದ್ದಾರೆ.
ಇತ್ತೀಚೆಗಷ್ಟೇ ತಮ್ಮಿಬ್ಬರಿಗೆ ಹುಟ್ಟಲಿರುವ ಮಗುವಿಗೆ ಹೇಗೆ ಹೆಸರಿಡುತ್ತೇವೆ ಎಂಬುದರ ಬಗ್ಗೆ ಸಾನಿಯಾ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದರು. ಇದೀಗ ಸಾನಿಯಾ ಇದಕ್ಕೆ ಪೂರಕವಾಗುವ ಸಂದೇಶ ನೀಡುವ ಫೋಟೋ ಪ್ರಕಟಿಸಿದ್ದಾರೆ.
ಇದರಲ್ಲಿ ಮಿರ್ಜಾ, ಮಲಿಕ್ ಎಂಬ ಹೆಸರಿನ ಅಂಗಿಯ ಚಿತ್ರ ಪ್ರಕಟಿಸಿದ ಸಾನಿಯಾ ಜತೆಗೆ ಪುಟ್ಟ ಮಗುವಿನ ಉಡುಪು ಪ್ರಕಟಿಸಿದ್ದು, ಅದರ ಮೇಲೆ ಮಿರ್ಜಾ-ಮಲಿಕ್ ಎಂದು ಬರೆದ ಫೋಟೋ ಪ್ರಕಟಿಸಿದ್ದಾರೆ. ಇದನ್ನೇ ಶೊಯೇಬ್ ಕೂಡಾ ರಿ ಟ್ವೀಟ್ ಮಾಡಿದ್ದಾರೆ.
ಇದರೊಂದಿಗೆ ಸಾನಿಯಾ-ಶೊಯೇಬ್ ದಂಪತಿ ತಮ್ಮ ಮೊದಲ ಮಗುವಿನ ಆಗಮನದ ಸುದ್ದಿಯನ್ನು ವಿಶಿಷ್ಟವಾಗಿ ಹೇಳಿಕೊಂಡಿದ್ದಾರೆ. ಇದೀಗ ದಂಪತಿಗೆ ಶುಭಾಷಯಗಳ ಮಹಾಪೂರವೇ ಹರಿದುಬರುತ್ತಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
