ತನಗೆಂಥಾ ಮಗು ಬೇಕು ಎಂದು ಬಹಿರಂಗಪಡಿಸಿದ ಸಾನಿಯಾ ಮಿರ್ಜಾ

ಹೈದರಾಬಾದ್: ಮುಂದಿನ ತಿಂಗಳು ಚೊಚ್ಚಲ ಮಗುವಿಗೆ ಜನ್ಮ ನೀಡಲಿರುವ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ತಮಗೆ ಹೆಣ್ಣು ಮಗು ಬೇಕೋ ಗಂಡು ಮಗು ಬೇಕೋ ಎಂದು ಹೇಳಿದ್ದಾರೆ.

‘ಎಲ್ಲಾ ಅಮ್ಮಂದಿರಂತೆ ನಾನೂ ನನ್ನ ಮಗು ಅದು ಬಯಸಿದಂತೆ ಸಾಧನೆ ಮಾಡಲಿ ಎಂದು ಆಶಿಸುತ್ತೇನೆ. ಅದು ಎಂತಹದದ್ದೇ ಕನಸಾಗಿರಲಿ, ಅದರ ಬೆನ್ನೇರಿ ಅದು ಸಾಧನೆ ಮಾಡಲಿ ಎಂದು ಬಯಸುತ್ತೇನೆ’ ಎಂದು ಸಾನಿಯಾ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ಹಾಗಿದ್ದರೆ ನಿಮಗೆ ಗಂಡು ಮಗು ಇಷ್ಟವೋ, ಹೆಣ್ಣು ಮಗು ಆಗಬೇಕು ಎಂದು ಬಯಸುತ್ತೀರೋ ಎಂದು ಕೇಳಿದ್ದಕ್ಕೆ ‘ಗಂಡಾಗಲಿ, ಹೆಣ್ಣಾಗಲಿ ಆರೋಗ್ಯವಂತ ಮಗುವಾಗಲಿ ಎಂದು ಬಯಸುತ್ತೇನೆ. ಕೆಲವರಿಗೆ ಮಗು ಗಂಡೋ, ಹೆಣ್ಣೋ ಎಂಬುದೇ ದೊಡ್ಡ ಚಿಂತೆಯಾಗಿರುತ್ತದೆ. ಆದರೆ ಯಾವ ಮಗು ಎನ್ನುವುದಕ್ಕಿಂತ ಅದು ನನ್ನ ಮಗು ಎನ್ನುವುದೇ ನನಗೆ ಮುಖ್ಯ’ ಎಂದು ಸಾನಿಯಾ ಭಾವುಕರಾಗಿ ಹೇಳಿಕೊಂಡಿದ್ದಾರೆ. ಅಂದ ಹಾಗೆ ನವಂಬರ್ ಮೊದಲ ವಾರದಲ್ಲಿ ಸಾನಿಯಾ ಹೆರಿಗೆಯಾಗಲಿದೆಯಂತೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.