ಲಂಡನ್: ಪಾಕಿಸ್ತಾನ ಕ್ರಿಕೆಟಿಗ ಶೊಯೇಬ್ ಮಲಿಕ್ ರನ್ನು ಮದುವೆಯಾದಾಗಿನಿಂದ ಭಾರತ ಪಾಕಿಸ್ತಾನ ಕ್ರಿಕೆಟ್ ಎಂದರೆ ಟ್ರೋಲ್ ಗೊಳಗಾಗುವ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಮೊನ್ನೆಯ ಭಾರತ-ಪಾಕಿಸ್ತಾನ ವಿಶ್ವಕಪ್ ಪಂದ್ಯದ ನಂತರ ಕೆಲವು ದಿನಗಳ ಕಾಲ ಸೋಷಿಯಲ್ ಮೀಡಿಯಾದಿಂದ ದೂರವಿದ್ದರು.
ಪಾಕ್ ಸೋತ ಬಳಿಕ ಟ್ರೋಲ್ ನಿಂದ ಬೇಸತ್ತಿದ್ದ ಸಾನಿಯಾ ಕೆಲವು ದಿನಗಳ ಕಾಲ ಸೋಷಿಯಲ್ ಮೀಡಿಯಾದಿಂದ ದೂರವಿರುವುದಾಗಿ ಹೇಳಿದ್ದರು. ಇದೀಗ ಉಭಯ ತಂಡಗಳೂ ಬೇರೆ ಬೇರೆ ತಂಡಗಳೊಂದಿಗೆ ಆಡಿ ಗೆದ್ದ ಮೇಲೆ ಸಾನಿಯಾ ಸೋಷಿಯಲ್ ಮೀಡಿಯಾಗೆ ಕಮ್ ಬ್ಯಾಕ್ ಮಾಡಿದ್ದಾರೆ.
ಈಗಲೂ ಲಂಡನ್ ನಲ್ಲಿ ಪತಿ ಜತೆಗೆ ಉಳಿದುಕೊಂಡಿರುವ ಸಾನಿಯಾ ತಮ್ಮ ಪುತ್ರನ ಜತೆಗೆ ಲಂಡನ್ ನಲ್ಲಿ ಮೋಜು ಮಾಡುತ್ತಿರುವ ಫೋಟೋಗಳನ್ನು ಪ್ರಕಟಿಸಿದ್ದಾರೆ. ಆದರೆ ತಪ್ಪಿಯೂ ಶೊಯೇಬ್ ಜತೆಗಿನ ಫೋಟೋ ಪ್ರಕಟಿಸಿಲ್ಲ!
