ಟೊರೆ ಪಾನ್ ಫೆಸಿಫಿಕ್ ಓಪನ್ ಪಂದ್ಯಾವಳಿಯ ಮಹಿಳಾ ಡಬಲ್ಸ್ ಫೈನಲ್ ಪಂದ್ಯದಲ್ಲಿ ಭಾರತದ ಸಾನಿಯಾ ಮಿರ್ಜಾ ಮತ್ತು ಅವರ ಜೆಕ್ ಗಣರಾಜ್ಯದ ಜೊತೆಗಾತಿ ಬಾರ್ಬೊರಾ ಸ್ಟ್ರೈಕೋವಾ ಜಯಗಳಿಸಿ ಪ್ರಶಸ್ತಿ ಪಡೆದಿದ್ದಾರೆ.
ಇಂಡೋ-ಜೆಕ್ ಜೋಡಿಯಾದ ಸಾನಿಯಾ-ಬಾರ್ಬೊರಾ, ತಮ್ಮ ಎದುರಾಳಿ ಚೆನ್ ಲಿಯಾಂಗ್ ಮತ್ತು ಝಾಕ್ಸುವಾನ್ ಯಾಂಗ್ ವಿರುದ್ಧ 6-1,6-1 ಸೆಟ್‌ಗಳ ಅಂತರದಿಂದ ಜಯಗಳಿಸಿದ್ದಾರೆ.
ಕಳೆದ ತಿಂಗಳು ಸಾನಿಯಾ- ಸ್ಟ್ರೈಕೋವಾ ಜೋಡಿ, ಸಿನ್ಸಿನ್ನಾಟಿ ಓಪನ್ ಮಹಿಳಾ ಡಬಲ್ಸ್ ಫೈನಲ್ ಪಂದ್ಯದಲ್ಲಿ ಮಾರ್ಟಿನಾ ಹಿಂಗಿಸ್ ಮತ್ತು ಕೋಕೋ ವಂಡೆವಾಘೆ ಜೋಡಿಯ ವಿರುದ್ಧ 7-5 6-4 ಸೆಟ್‌ಗಳ ಅಂತರದಿಂದ ಜಯಗಳಿಸಿ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದರು.
ಪ್ರಸಕ್ತ ವರ್ಷದ ಅವಧಿಯಲ್ಲಿ ಸಾನಿಯಾ ಮಿರ್ಜಾ ತಮ್ಮ ಮಾಜಿ ಜೊತೆಗಾರ್ತಿಯೊಂದಿಗೆ ಆಸ್ಟ್ರೇಲಿಯನ್ ಓಪನ್ ಬ್ರಿಸ್‌ಬೆನ್ ಇಂಟರ್‌ನ್ಯಾಷನಲ್, ಸಿಡ್ನಿ ಇಂಟರ್‌ನ್ಯಾಷನಲ್, ಸೇಂಟ್ ಪೀಟರ್ಸ್‌ಬರ್ಗ್, ಇಟಲಿಯನ್ ಓಪನ್ ಮತ್ತು ಕನೆಕ್ಟಿಕಟ್ ಓಪನ್ ಸೇರಿದಂತೆ ಎಂಟು ಡಬ್ಲ್ಯೂಟಿಎ ಪ್ರಶಸ್ತಿಗಳನ್ನು ಪಡೆದಿದ್ದಾರೆ
ಭಾರತದ ಹೆಮ್ಮೆಯ ಪುತ್ರಿಯಾದ ಸಾನಿಯಾ ಮಿರ್ಜಾ ತಮ್ಮ ಟೆನಿಸ್ ವೃತ್ತಿ ಜೀವನದಲ್ಲಿ ಇಲ್ಲಿಯವರೆಗೆ 40 ಪ್ರಶಸ್ತಿಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
