ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ ನ ಮೊದಲ ಪಂದ್ಯದಲ್ಲಿ ಹೈದರಾಬಾದ್ ತಂಡದ ಕೆರೊಲಿನಾ ಮಾರಿನ್ ವಿರುದ್ಧ ಚೆನ್ನೈ ತಂಡದ ಪಿವಿ ಸಿಂಧು ಮೊದಲ ಪಂದ್ಯದಲ್ಲೇ ಸೋತು ಅಂಕ ಕಳೆದುಕೊಂಡಿರಬಹುದು. ಆದರೆ ಪಿ. ಕಶ್ಯಪ್ ತಮ್ಮ ತಂಡಕ್ಕೆ ಅಂಕ ಗಳಿಸಿಕೊಡುವುದರಲ್ಲಿ ಯಶಸ್ವಿಯಾಗಿದ್ದಾರೆ.
ಬೆಂಗಳೂರು ತಂಡದ ಸೌರಬ್ ವಿರುದ್ಧ ನಡೆದ ಪಂದ್ಯದಲ್ಲಿ ಕಶ್ಯಪ್ ಎರಡೇ ಸೆಟ್ ಗಳಲ್ಲಿ ಸುಲಭ ಜಯ ಗಳಿಸಿದ್ದಾರೆ. ಎರಡನೇ ಸೆಟ್ ನಲ್ಲಿ ಸೌರಬ್ ಕೊಂಚ ಪ್ರತಿರೋಧ ತೋರಿದರಾದರೂ, ಕಶ್ಯಪ್ ಅನುಭವದ ಮುಂದೆ ಬೆಂಗಳೂರು ಆಟಗಾರನ ಆಟ ನಡೆಯಲಿಲ್ಲ.
ಈ ಪಂದ್ಯಕ್ಕೆ ಬೆಂಗಳೂರು ತಂಡದ ಸಹ ಮಾಲಿಕ ಕ್ರಿಕೆಟಿಗ ಸಚಿನ್ ತೆಂಡುಲ್ಕರ್ ಪತ್ನಿ ಸಮೇತ ಬಂದು ಸೌರಬ್ ಗೆ ಚಿಯರ್ಸ್ ಹೇಳುತ್ತಿದುದು ವಿಶೇಷವಾಗಿತ್ತು. ಸಚಿನ್ ಜತೆಗೆ, ಇನ್ನೊಬ್ಬ ಕ್ರಿಕೆಟಿಗ ಜಹೀರ್ ಖಾನ್ ಕೂಡಾ ಪ್ರೇಕ್ಷಕರ ಗ್ಯಾಲರಿಯಲ್ಲಿದ್ದರು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
