ನವದೆಹಲಿ: ಗಂಡನನ್ನು ಕೊಂದ ಪತ್ನಿ ಆತನ ಮೃತದೇಹವನ್ನು ಗೋಣಿ ಚೀಲದಲ್ಲಿ ತುಂಬಿ ಮನೆ ಸಮೀಪದ ಪಾರ್ಕ್ ನಲ್ಲಿ ಬಿಸಾಕಿದ ಘಟನೆ ನಡೆದಿದೆ.
30 ವರ್ಷದ ಆರೋಪಿ ಪತ್ನಿ ಗಂಡನಿಗೆ ಮಾದಕ ವಸ್ತು ನೀಡಿ ಅಮಲು ಬರುವಂತೆ ಮಾಡಿ ಹತ್ಯೆ ಮಾಡಿದ್ದಾಳೆ. ಬಳಿಕ ಮೃತದೇಹವನ್ನು ಮಗನ ಸಹಾಯದೊಂದಿಗೆ ಗೋಣಿ ಚೀಲದಲ್ಲಿ ತುಂಬಿ ಪಕ್ಕದ ಪಾರ್ಕ್ ನಲ್ಲಿ ಎಸೆದಿದ್ದಾಳೆ.
ಮದ್ಯವ್ಯಸನಿಯಾಗಿದ್ದ ಗಂಡ ಸದಾ ತನಗೆ ಮತ್ತು ತನ್ನಿಬ್ಬರು ಮಕ್ಕಳಿಗೆ ಕಿರುಕುಳ ನೀಡುತ್ತಿದ್ದ. ಇದೇ ಕಾರಣಕ್ಕೆ ಕೊಲೆ ಮಾಡಲಾಗಿದೆ. ಆದರೆ ಕೊಲೆ ಬಳಿಕ ತನ್ನ ಗಂಡ ನಾಪತ್ತೆಯಾಗಿರುವುದಾಗಿ ಪೊಲೀಸರಿಗೆ ದೂರು ನೀಡಿ ನಾಟಕವಾಡಿದ್ದಳು. ಆದರೆ ವಿಚಾರಣೆ ವೇಳೆ ಸತ್ಯ ಬಹಿರಂಗವಾಗಿದೆ. ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ.